ఆసక్తిరేపుతున్న ‘అంతరిక్షం’ వీడియో..చిరు ప్రత్యేకశ్రద్ద..

Posted: 12/20/2018 09:03 PM IST

వరుణ్ తేజ్ కథానాయకుడిగా సంకల్ప్ రెడ్డి 'అంతరిక్షం' సినిమాను రూపొందించాడు. తెలుగులో తొలిసారిగా 'అంతరిక్షం' నేపథ్యంలో రూపొందిన ఈ సినిమా రేపు ప్రేక్షకుల ముందుకు రానుంది. అయితే అంతరిక్షానికి సంబంధించి అంతసేపు ఏం చూపిస్తారు? అనే సందేహం సామాన్య ప్రేక్షకులకు కలగడం సహజం. అసలు ఈ సినిమా ఏయే అంశాలను టచ్ చేస్తూ వెళుతుంది? తాము ఆశించేవి ఈ తరహా సినిమాలో వుంటాయా? అనే విషయాలను తెలుసుకోవాలని అనిపిస్తుంది.

అందువల్లనే తెలివిగా ఈ సినిమా టీమ్ వరుణ్ తేజ్ తో ఒక వీడియో చేసి వదిలింది. ఈ సినిమాలో ఏయే అంశాలు చోటుచేసుకున్నది ఈ వీడియో ద్వారా తెలియజేశారు. సినిమానే ప్రయోగాత్మకం అనుకుంటే, ప్రమోషన్స్ లో భాగంగా ఈ తరహా వీడియోతో ఈ సినిమా టీమ్ ప్రయోగాత్మక ప్రయత్నమే చేసింది. ఆడియన్స్ ను థియేటర్స్ కి రప్పించడానికి చేసిన ఈ ప్రయత్నం బాగుందనే చెప్పాలి. ఈ సందర్భంగా వరుణ్ తేజ్ మాట్లాడుతూ.. " రెగ్యులర్ కమర్షియల్ చిత్రాలకి పూర్తి భిన్నంగా ఈ సినిమా ఉంటుంది" అన్నాడు.

అంతరిక్ష పరిశోధన .. స్పేస్ లోను ఉత్కంఠను రేకెత్తించే సన్నివేశాలతో ఈ సినిమా సాగుతుంది. ఒక సందర్భంలో నా సినిమా .. పెదనాన్న 'సైరా' సినిమా పక్కపక్కనే షూటింగు జరుపుకున్నాయి. అప్పటి నుంచి నా సినిమాకి సంబంధించిన విషయాలను పెదనాన్న ఎప్పటికప్పుడు తెలుసుకుంటున్నారు. ఈ సినిమా విషయంలో ఆయన ప్రత్యేక శ్రద్ధ కనబరుస్తూ వస్తున్నారు. ట్రైలర్ రిలీజ్ కాగానే చూసి నాకు ఫోన్ చేసి చాలా బావుందంటూ ప్రశంసించారు. పెదనాన్న బాగుంది అంటే సినిమా సగం హిట్టైపోయినట్టేననేది న నమ్మకం" అని చెప్పుకొచ్చాడు.