నెట్ లో హల్ చల్ చేస్తున్న కాలా వీడియో

Posted: 02/13/2018 04:19 PM IST

కాలా చిత్ర రిలీజ్ డేట్ అనౌన్స్ చేయటంతో సూపర్ స్టార్ అభిమానుల్లో నెలకొన్న సందడి అంతా.. ఇంతా కాదు. చిత్ర షూటింగ్ మొదలైనప్పటి నుంచి నల్ల చొక్కా.. లుంగీలో ఉన్న సూపర్ స్టార్ స్టిల్స్ తెగ వైరల్ అవుతున్నాయి. కబాలి దర్శకుడు పా. రంజిత్ ఈ సినిమాను డైరెక్ట్ చేస్తున్న విషయం తెలిసిందే.

ఇక నిన్నటి నుంచి ఈ చిత్రానికి సంబంధించిన వీడియో ఒకటి నెట్ లో లీకై హల్ చల్ చేస్తోంది. యాక్షన్ ఎపిసోడ్ లో తలైవా రౌడీని ఇరగదీసే సన్నివేశం అది. ఎదురుగా ఉన్న విలన్ చేతిలో ఆయుధాన్ని తన్నేసి.. కాలు ఎత్తి డిష్యూం అని తన్నేస్తాడు. మంటల్లో ఉన్న ఫ్యాక్టరీ.. చూస్తుంటే చూస్తుంటే బహుశా క్లైమాక్స్ కి సంబంధించిన సీన్ అది అయ్యి ఉండొచ్చనిపిస్తోంది. 13 సెకన్ల నిడివి ఉన్న ఈ వీడియో ఎలా లీక్ అయ్యిందో తెలీటం లేదు.

ప్రస్తుతం ఈ వీడియోను రజనీ అభిమానులు ఆనందంగా షేర్ చేస్తున్నారు. అయితే రజనీ చిత్రాలకు సంబంధించి ప్రతీ చిన్న విషయం కోసం ఎదురు చూసే అభిమానుల కోసం ఈ వీడియోను లీక్ చేసి.. హైప్ పెంచేందుకు మేకర్లే ఈ పని చేసి ఉండొచ్చన్న అనుమానాలు వ్యక్తం చేసే వాళ్లు లేకపోలేదు. ఎడిటింగ్ కు ముందే లీక్ కావటంతో ఆ అనుమానాలను కొందరు కన్ఫర్మ్ చేస్తున్నారు కూడా. అన్నట్లు ఈ చిత్రాన్ని నిర్మాత హీరో-రజనీకాంత్ అల్లుడు ధనుష్ అన్నది తెలిసిందే కదా.