ఎంసీఏ ఆడియో రిలీజ్.. ప్రీ రిలీజ్ డేట్ ఫిక్స్

Posted: 12/11/2017 05:55 PM IST

నేచురల్ స్టార్ నాని తాజా చిత్రం మిడిల్ క్లాస్ అబ్బాయి.. వేణు శ్రీరామ్ దర్శకత్వంలో తెరకెక్కిన విషయం తెలిసిందే. దిల్ రాజు నిర్మించిన ఈ సినిమా, ప్రేక్షకులలో ఆసక్తిని రేకెత్తిస్తోంది. ఈ సినిమా పాటలకు మంచి ఆదరణ దక్కటంతో సగం విజయం సాధించినట్లేనని చెప్పుకోవచ్చు. ఓ మాస్ బీట్ సాంగ్, రెండు మెలోడీ సాంగ్స్, ఓ పార్టీ సాంగ్, మరో టైటిల్ సాంగ్ ఇలా బ్యాలెన్సింగ్ ఆల్బమ్ ను దేవీ అందించాడు.

ఇక రేపు అంటే మంగళవారం సాయంత్రం 6 గంటలకి థియేట్రికల్ ట్రైలర్ ను రిలీజ్ చేయనున్నారు. ఈ క్రమంలోనే ప్రీ రిలీజ్ ఫంక్షన్ కి ముహూర్తాన్ని ఖరారు చేసేశారు. ఈ నెల 16వ తేదీన ప్రీ రిలీజ్ ఈవెంట్ ను జరపడానికి సన్నాహాలు చేస్తున్నారు. వరంగల్ వేదికగా ఈ కార్యక్రమం జరగనుంది. వరంగల్ నేపథ్యంలోనే ఈ కథ కొనసాగుతుంది. అందువలన వరంగల్ లోనే ఈ ఫంక్షన్ ను ఏర్పాటు చేసినట్టు తెలుస్తోంది.

సాయిపల్లవి కథానాయికగా నటించిన ఈ సినిమాలో, భూమిక కీలకమైన పాత్రను చేసింది. ఈ పాత్ర ఈ సినిమాకి హైలైట్ గా నిలుస్తుందని అంటున్నారు. నటన పరంగా నాని .. సాయిపల్లవి .. భూమిక ముగ్గురూ ముగ్గురే. అలాంటి ఈ కాంబినేషన్లో వస్తోన్న ఈ సినిమా, ఈ నెల 21వ తేదీన ప్రేక్షకుల ముందుకు రానుంది.

ఈ చిత్ర పాటలు మీ కోసం...