భావన కేసులో కావ్య రోల్ కన్ఫర్మ్?

Posted: 08/23/2017 02:39 PM IST

సంచలనం రేపిన నటి భావన లైంగిక వేధింపుల కేసులో నటుడు దిలీప్ భార్య కావ్య మాధవన్ చుట్టూ ఉచ్చు బిగుస్తోందనే చెబుతున్నారు. ఆమె కిడ్నాప్ వ్యవహారంలో తన హస్తం ఏం లేదని నటి కావ్య మొదటి నుంచి చెబుతూనే వస్తోంది. అయితే కేసులో ప్రధాన నిందితుడు పల్సర్ సునీల్ మాత్రం ఆమెకు తెలిసే అన్నీ జరిగాయన్న రీతిలో ఓ ప్రకటన ఇచ్చాడు.

మేడమ్ నేను తెలీదనటం మూర్ఖపు సమాధానం. నేను ఆమెకు బాగా పరిచయం. పైగా డబ్బులు ఇచ్చింది కూడా ఆమెనే. కాకపోతే ఆమె ఇందులో ఎక్కువ జోక్యం చేసుకోలేదు అని పల్సర్ సునీల్ మంగళవారం కున్నంకులం కోర్టుకు హాజరయిన సందర్భంగా మీడియాతో వ్యాఖ్యలు చేశాడు. అయితే ఆమె కావ్యనేనా అన్న ప్రశ్నకు మాత్రం సమాధానం ఇవ్వలేదు.

అయితే తనకు సునీ ఎవరో తెలీదని కావ్య మొదటి నుంచి చెబుతూ వస్తోంది. ఆమెను, ఆమె తల్లిని పోలీసులు విచారణ చేపట్టిన సమయంలో కూడా ఇదే సమాధానం ఇచ్చినట్లు కావ్య తెలిపింది. ఇక కేసులో దిలీప్ బెయిల్ పిటిషన్ పై బుధవారం హైకోర్టులో వాదనలు జరగనున్నాయి.