సల్మాన్ గర్ల్ ఫ్రెండ్ బ్రేకప్ కాలేదా?

Posted: 11/26/2016 12:28 PM IST

బాలీవుడ్ కండల వీరుడు సల్మాన్ ఖాన్, రొమేనియన్ గర్ల్ ఫ్రెండ్ లులియా లు విడిపోయారంటూ ఈ మధ్య తెగ వార్తలు చక్కర్లు కొట్టాయి. పెళ్లి విషయంలో మనస్పర్థలు రావటంతో హర్టయిన లూలియా వీసా రెన్యువల్ కూడా చేసేసుకుందని, ఇక ఇండియాకు తిరిగి రాకపోవచ్చనే అందులో పేర్కొన్నారు. అయితే కొద్దిరోజుల క్రితం ముంబైలో జరిగిన ఓ ఈవెంట్ లో తళుక్కుమని లూలియా షాక్ ఇవ్వటమే కాదు, కొన్ని ప్రశ్నలను కూడా లేవనెత్తింది.

ఇదిలా ఉంటే లూలియా గురించి ఇప్పుడు మరో వార్త బయటికి వచ్చింది. త్వరలో బాలీవుడ్ లో ఓ పాట కూడా పాడబోతుందని తెలుస్తోంది. మ్యూజిక్ డైరక్టర్ హిమేష్ రేష్మియా రూపొందించబోయే ఓ ఆల్బమ్ కోసం ఇప్పటికే వాయిస్ టెస్ట్ కూడా జరిగిపోయిందంట. ఈ విషయాన్ని హిమేషే స్వయంగా వెల్లడించాడు. ఆ మధ్య సల్మాన్ సుల్తాన్ సినిమాలోని జగ్ గుమియా పాటను లూలియా పాడిందంట. అది విన్న రేష్మియా ఇంప్రెస్ అయి లూలియాను సంప్రదించటం, ఆమె ఒప్పుకోవటం జరిగిపోయాయని చెబుతున్నాడు.

మోడల్ అయిన ఈ రొమేనియన్ బ్యూటీ పక్కా ప్రోఫెషనల్ సింగర్ లా పాటలు పాడుతుంటే తనకు షాక్ కలిగిందని హిమేష్ చెబుతున్నాడు. వచ్చే నెలలోనే ఈ పాటను రికార్డింగ్ చేయనున్నట్లు తెలిపాడు. అయితే ఆ వీడియో ఆల్బమ్ లో ఒక్క పాడటమేనా? లేక లూలియా నటిస్తుందా అన్న ప్రశ్న మాత్రం ప్రస్తుతానికి సస్పెన్స్ గా మారింది.