కోలీవుడ్ క్వీన్ గా త్రిష...!

Posted: 06/29/2016 04:14 PM IST

కోలీవుడ్ లో త్రిష వరుస ఆఫర్లతో దూసుకుపోతోంది. లేట్ వయసులోకూడ హీరోయిన్ గా మంచి మంచి ఆఫర్లను కొట్టేస్తోంది ఈ అమ్మడు. ముఖ్యంగా హారర్ జోనర్ ఎంచుకున్నప్పటి నుంచి తనలో నటనకి పదునుపెట్టింది. అందుకే ఇప్పుడు ఈమెకి ఒక బంపర్ ఆఫర్ ఇచ్చాడు ప్రొడ్యూసర్ త్యాగరాజన్. హిందీలో సూపర్ డూపర్ హిట్ అయిన కంగనా రౌనత్ సినిమా క్వీన్ ని తమిళంలో రీమేక్ చేసేందుకు చూస్తున్నాడట త్యాగరాజన్. ఈ దశలో కంగనా రౌనత్ క్యారెక్టర్ లో త్రిషని ఎంపిక చేసినట్లుగా సమాచారం. ఈ సినిమా హిందీలో కంగనాకి నేషనల్ అవార్డుని తెచ్చిపెట్టింది. ఒక మహిళా ప్రధాన ఇతివృత్తంలో సాగే కథే క్వీన్.

ఇప్పుడు ఈ సినిమా దర్శకత్వ బాధ్యతలను సీనియర్ హీరోయిన్ రేవతికి అప్పజెప్పే ఆలోచనలో ఉన్నాడట. రేవతి ఇదివరకు ఒక హిందీ సినిమా డైరెక్ట్ చేసిన సంగతి తెలిసిందే. ఇప్పుడు రేవతి త్రిషల కాంబినేషన్ ఎంత వరకూ వర్క్ అవుట్ అవుతుందో చూడాలి అంటున్నారు కోలీవుడ్ వర్గాలు. త్వరలోనే సినిమా గురించి మరిన్ని వివరాలు తెలిసే అవకాశముందని, ఈ సినిమాని తెలుగులో కూడ డబ్బింగ్ చేసే ఆలోచనలో ఉన్నారని చెప్తున్నారు.


- మూర్తి