‘జనతా గ్యారేజ్’లో సత్తిబాబు భామ

Posted: 06/07/2016 10:26 AM IST

నాన్నకు ప్రేమతో తర్వాత యంగ్ టైగర్ ఎన్టీఆర్ హీరోగా నటిస్తున్న తాజా చిత్రం జనతా గ్యారేజ్. టాలీవుడ్ సక్సెస్ ఫుల్ డైరెక్టర్ కొరటాల శివ దర్శకత్వంలో రూపొందుతున్న ఈ సినిమాలో మలయాళం సూపర్ స్టార్ మోహన్ లాల్ ఓ ముఖ్య పాత్రలో నటిస్తున్నాడు. సమంత, నిత్యామీనన్ లు హీరోయిన్లుగా నటిస్తున్నారు.

ఇప్పటికే విడుదలైన ఈ సినిమా ఫస్ట్ లుక్ పోస్టర్లకు మంచి రెస్పాన్స్ వచ్చింది. ఇందులో ఎన్టీఆర్, మోహన్ లాల్ లుక్స్ కొత్తగా వున్నాయి. ఎన్టీఆర్ చాలా స్టైలిష్ గా కనిపిస్తున్నాడు. తాజా సమాచారం ప్రకారం ఈ సినిమాలో ‘అత్తిలి సత్తిబాబు’, ‘దేవరాయ’ చిత్రాల హీరోయిన్ విదిషా నటించబోతున్నట్లుగా తెలిసింది.

ఈ సినిమాపై యంగ్ టైగర్ అభిమానులు భారీ ఆశలే పెట్టుకున్నారు. ప్రస్తుతం చెన్నైలో కొన్ని యాక్షన్ సీన్లను చిత్రీకరిస్తున్నారు. అనంతరం హైదరాబాద్ లోని అన్నపూర్ణ స్టూడియోలో షూటింగ్ కొనసాగించనున్నారు. యువరాకింగ్ స్టార్ దేవిశ్రీప్రసాద్ సంగీతం అందిస్తున్న ఈ చిత్ర ఆడియోను జులై చివర్లో విడుదల చేసి, ఆగష్టు నెలలో సినిమాను తెలుగు, తమిళం, మలయాళం భాషలలో విడుదల చేయడానికి సన్నాహాలు చేస్తున్నారు.

- Sandy