అబ్బా.. ఆ వయసులో కూడా మస్తుగా..!

Posted: 05/05/2016 05:41 PM IST

ఇటీవలే ‘జజ్బా’తో సెకండ్ ఇన్నింగ్స్ మొదలెట్టిన బాలీవుడ్ నటి ఐశ్వర్య రాయ్ నటిస్తున్న తాజా చిత్రం ‘సర్బ్ జిత్’. ఇటీవలే విడుదలైన ఈ సినిమా ఫస్ట్ లుక్ పోస్టర్లు, ట్రైలర్లకు మంచి రెస్పాన్స్ వచ్చింది. ఇందులో సర్బ్ జిత్ పాత్రలో రణదీప్ హుడా నటిస్తుండగా, అతని సోదరి దల్బీర్ కౌర్ పాత్రలో ఐశ్వర్యరాయ్ నటిస్తుంది.

ఇప్పటికే విడుదలైన ట్రైలర్ ఈ సినిమాపై భారీ అంచనాలనే పెంచేసింది. ఇక తాజాగా ‘మెహర్ బాన్...’ అనే వీడియో సాంగ్ ను విడుదల చేసారు. ఈ వీడియో చూస్తుంటే ఐశ్వర్య తన వయసుకు మించిన పాత్రను పోషించినట్లుగా తెలుస్తోంది. అలాగే న్యాయం కోసం పోరాటం చేసే ఓ వ్యక్తిగా కనిపిస్తోంది.

ఓమంగ్ కుమార్ దర్శకత్వంలో రూపొందుతున్న ఈ సినిమాను వాశూ భగ్నానీ, జాకీ భగ్నానీ, దీప్షికా దేశ్ ముఖ్, సందీప్ సింగ్, ఓమంగ్ కుమార్, భుషన్ కుమార్, క్రిషన్ కుమార్ సంయుక్తంగా నిర్మిస్తున్నారు. త్వరలోనే ఈ సినిమాను ప్రేక్షకుల ముందుకు తీసుకురానున్నారు.