కొత్త గెటప్ తో భయపెడుతున్న అక్షయ్ కుమార్

Posted: 03/23/2016 11:33 AM IST

తమిళ సూపర్ స్టార్ రజనీకాంత్ హీరోగా ‘రోబో’ చిత్రానికి సీక్వెల్ గా ‘2.0’ చిత్రం రూపొందుతున్న విషయం తెలిసిందే. ప్రముఖ దర్శకుడు శంకర్ దర్శకత్వంలో రూపొందుతున్న ఈ చిత్రంలో బాలీవుడ్ స్టార్ హీరో అక్షయ్ కుమార్ ఓ కీలక పాత్రలో నటిస్తున్నాడు. ప్రస్తుతం ఈ చిత్ర షూటింగ్ శరవేగంగా జరుగుతోంది.

ఈ సినిమాలో అక్షయ్ కుమార్ ఎలాంటి పాత్రలో కనిపించనున్నాడోనని అభిమానులు గతకొద్ది రోజులుగా ఎదురుచూస్తున్నారు. అయితే ఈ సినిమాలో అక్షయ్ కుమార్ పాత్రకు సంబంధించిన కొన్ని ఫోటోలు లీక్ అయ్యాయి. అక్షయ్ కుమార్ ఇందులో నెగెటివ్ షేడ్స్ తో భయపెట్టనున్నాడు. రజనీకాంత్ కు అక్షయ్ కుమార్ విలన్ గా నటిస్తున్నాడు. ఈ ఫోటోలు ప్రస్తుతం సోషల్ మీడియాలో తెగ హల్చల్ చేస్తున్నాయి.

భారీ బడ్జెట్ తో ప్రముఖ నిర్మాణ లైకా సంస్థ నిర్మిస్తుంది. రజనీకాంత్ సరసన ఎమీజాక్సన్ హీరోయిన్ గా నటిస్తుంది. ఏఆర్ రెహమాన్ సంగీతం అందిస్తున్నాడు. భారీ అంచనాలతో రూపొందుతున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.