విడిపోయి బాధపడుతున్న కరీనా అండ్ అర్జున్

Posted: 02/25/2016 04:27 PM IST

హిందీలో స్టార్ హీరోయిన్ కరీనా కపూర్, హీరో అర్జున్ కపూర్ జంటగా నటిస్తున్న తాజా చిత్రం ‘కీ అండ్ కా’. ఆర్. బాల్కీ దర్శకత్వంలో రూపొందుతున్న ఈ చిత్రంలో కరీనా, అర్జున్ లు భార్యభర్తలుగా నటిస్తున్నారు. హౌస్ హస్బెండ్ పాత్రలో అర్జున్... ఆఫీస్ కు వెళ్లి ఉద్యోగం చేసే భార్య పాత్రలో కరీనా కపూర్ నటిస్తోంది.

ఇప్పటికే విడుదలైన ట్రైలర్, పాటలకు మంచి రెస్పాన్స్ వచ్చింది. తాజాగా ఈ సినిమాలోని ‘జీ హుజూరి’ అనే సెంటిమెంట్ సాంగ్ వీడియోను విడుదల చేసారు. కరీనా, అర్జున్ ల మధ్య ఏవో చిన్న చిన్న గొడవలు వచ్చి విడిపోయి... వారు పడే బాధను ఈ వీడియోలో చూడవచ్చు. ఇందులో వీరిద్దరి కెమిస్ట్రీ బాగుంది.

ట్రైలర్ విడుదలైన క్షణం నుంచి ఈ సినిమాపై అంచనాలు బాగా పెరిగిపోయాయి. ప్రస్తుతం ఈ చిత్ర షూటింగ్ శరవేగంగా జరుగుతోంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.