పవన్ కు ఫైరింగ్ నేర్పుతున్న సర్దార్ గబ్బర్ సింగ్ టీం

Posted: 11/04/2015 07:10 PM IST

పవర్ స్టార్ పవన్ కళ్యాణ్ ఎంత సరదాగా వుంటారో అందరికి తెలిసిందే. ఎంత పెద్ద కార్యక్రమం అయినప్పటికీ కూడా తాను మాత్రం చాలా సరదాగా వుంటారు. అలాంటి పవన్ కళ్యాణ్ తన సినిమా షూటింగ్ సమయంలో ఇంకెంత సరదాగా వుంటారో ప్రత్యేకంగా చెప్పుకోనవసరం లేదు. పవన్ తన తోటి నటీనటులతో ఎలా ఎంజాయ్ చేస్తున్నారో ఈ ఫోటో చూస్తే మీకే తెలుస్తుంది.

పవన్ కళ్యాణ్ నటిస్తున్న తాజా చిత్రం ‘సర్దార్ గబ్బర్ సింగ్’. బాబీ దర్శకత్వంలో తెరకెక్కుతున్న ఈ చిత్ర షూటింగ్ శరవేగంగా జరుగుతోంది. ఈ షూటింగ్ లో పవన్ కళ్యాణ్ తో పాటు బ్రహ్మాజీ, ఆలీ తదితరులు పాల్గొన్నారు. తాజాగా ఈ సినిమా షూటింగ్ సమయంలో పవన్ తన తోటి నటీనటులతో ఎంజాయ్ చేస్తున్న ఓ ఫోటోను చిత్ర నిర్మాత శరత్ మరార్ తన సోషల్ మీడియా ట్విట్టర్ ద్వారా పోస్ట్ చేసారు.

ఇందులో పవన్ కళ్యాణ్ కు ఆలీ, బ్రహ్మాజీలు కలిసి తుపాకీ ఎలా కాల్చలో నేర్పిస్తున్నట్లుగా కనిపిస్తుంది. అలాగే వీరితో పవన్ సెల్ఫీ దిగిన ఫోటోలు ప్రస్తుతం సోషల్ మీడియాలో తెగ హడావిడి చేస్తున్నాయి. మొత్తానికి మళ్లీ పవన్ కళ్యాణ్ గబ్బర్ సింగ్ జోష్ లో అదరగొట్టడానికి సిద్ధమవుతున్నాడని అనుకోవచ్చు. ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.