శంకరాభరణం భామను కరివేపాకులా భావించారా?

Posted: 10/31/2015 01:45 PM IST

‘శంకరాభరణం’ హీరోయిన్ నందితకు సాగర సంగమమే అయ్యింది. మొత్తానికి ఈ అమ్మడికి ఘోర అవమానం జరిగింది. కరివేపాకును తీసి పక్కన పెట్టిసినట్లుగా ఈ అమ్మడిని ఎవరూ పట్టించుకోలేదు. అసలు ఏంటి విషయం? ఏం జరిగిందని అనుకుంటున్నారా?

నిఖిల్, నందిత హీరోహీరోయిన్లుగా అంజలి, దీక్షాపంత్ ముఖ్య పాత్రలలో నటిస్తున్న తాజా చిత్రం ‘శంకరాభరణం’. ఈ చిత్ర ఆడియో విడుదల కార్యక్రమం నిన్న పలువురు సినీ ప్రముఖులు, అభిమానుల సమక్షంలో ఘనంగా జరిగింది. ఈ కార్యక్రమానికి హీరోయిన్ సమంత ముఖ్యఅతిథిగా విచ్చేసారు. అయితే ఎలాగో ‘శంకరాభరణం’ సినిమాలో తానే హీరోయిన్ కాబట్టి... అందరి దృష్టంతా కూడా తనమీదనే వుంటుందని భావించిందో ఏమో తెలియదు గానీ.. నందిత మాత్రం కళ్లు జిగేల్ అని అనిపించే విధంగా రెడీ అయ్యి వచ్చింది.

రెడ్ కలర్ బ్లౌజ్, బ్లూ కలర్ డ్రెస్ లో చాలా అందంగా ముస్తాబై కార్యక్రమానికి విచ్చేసింది. ఆడియో వేడుకకు వచ్చిందన్నమాటే కానీ.. ఈ అమ్మడిని పట్టించుకునే నాథుడే కరువయ్యాడు. హీరో నిఖిల్ కూడా నందితను పట్టించుకోకుండా అంజలి దగ్గరే సెటిలయ్యాడు. ఇక ఆడియో విడుదల జరుగుతున్న సమయంలో కూడా నందితను దూరంగానే వుంచారు. ఆడియో సిడీలు విడుదల చేసాక చివర్లో ఏదో ఫోటోలకు ఫోజులివ్వడానికి ఒకసారి వచ్చిపో అన్నట్లుగా నందితను పిలిచి ఫోటోలు దిగేసారు.

మొత్తానికి నందితకు ఈ కార్యక్రమంలో చాలా అవమానం జరిగిందని ఈ కార్యక్రమానికి హాజరైన ప్రముఖులు, అభిమానులకే కాకుండా టీవిల్లో చూసే జనాలకు కూడా క్లియర్ గా అర్థమయ్యింది. పాపం నందిత... ఎంతో ఆశపడి కొత్త డ్రెస్ వేసుకొని పోతే.. ఇలా సైడ్ క్యారెక్టర్ ను పక్కనపెట్టినట్లుగా పక్కనపెట్టేయంతో చాలా బాధపడిందట.