అఖిల్ టైటిల్ సాంగ్ కు రెస్పాన్స్ అదుర్స్

Posted: 09/18/2015 10:20 AM IST

వి.వి.వినాయక్ దర్శకత్వంలో అక్కినేని అఖిల్ హీరోగా తెలుగు తెరకు పరిచయం కాబోతున్న విషయం తెలిసిందే. ఈ చిత్రానికి ‘అఖిల్’ అనే టైటిల్ ను ఖరారు చేసారు. ‘పవర్ ఆఫ్ జువా’ ట్యాగ్ లైన్. అన్నపూర్ణ స్టూడియోస్ సమర్పణలో శ్రేష్ట్ మూవీస్ బ్యానర్ పై హీరో నితిన్ భారీ బడ్జెట్ తో నిర్మిస్తున్నాడు. సయేశా సైగల్ హీరోయిన్.

అనూప్, థమన్ సంగీతం అందిస్తున్నారు. ఇందులోని టైటిల్ సాంగ్ ను వినాయక చవితి సంధర్భంగా విడుదల చేసారు. అనూప్ సంగీతం అందించిన ఈ పాటకు మంచి రెస్పాన్స్ వస్తోంది. అలాగే ఈ చిత్ర ఆడియోను ఈనెల 20న అక్కినేని నాగేశ్వరరావు జయంతి సందర్భంగా హైద‌రాబాద్ గ‌చ్చిబౌలి ఇండోర్ స్టేడియంలో అత్యంత ప్రతిష్టాత్మకంగా విడుదల చేయనున్నారు.

ఈ కార్యక్రమానికి ప్రిన్స్ మహేష్ బాబు ముఖ్య అతిథిగా విచ్చేయనున్నట్లుగా తెలిసింది. భారీ అంచనాలతో రూపొందుతున్న ఈ చిత్రాన్ని అక్టోబర్ 21న గ్రాండ్ గా ప్రపంచ వ్యాప్తంగా విడుదల చేయనున్నారు. మరి ఈ సినిమా ఎలా వుండబోతుందో త్వరలోనే తెలియనుంది.