కన్ఫర్మ్: అక్టోబర్ 2న రామ్ శివమ్ విడుదల

Posted: 08/19/2015 03:54 PM IST

వరుస ఫ్లాపులతో సతమతమవుతున్న రామ్ ఆశలన్నీ కూడా ప్రస్తుతం ‘శివమ్’ చిత్రంపైనే వున్నాయి. ఎనర్జీటిక్ హీరో రామ్ నటిస్తున్న తాజా చిత్రం ‘శివమ్’. ప్రముఖ దర్శకుడు సురేందర్ రెడ్డి దగ్గర దర్శకత్వ శాఖలో చేసిన శ్రీనివాసరెడ్డి ఈ చిత్రం ద్వారా దర్శకుడిగా పరిచయమవుతున్నారు.

శ్రీ స్రవంతి మూవీస్ పతాకంపై కృష్ణచైతన్య సమర్పణలో స్రవంతి రవికిశోర్ ఈ చిత్రాన్ని నిర్మిస్తున్నారు. ఇప్పటికే విడుదలైన ఈ చిత్ర ఫస్ట్ లుక్ ఫోటోలకు మంచి రెస్పాన్స్ వచ్చింది. తాజాగా ఈ చిత్ర ఫస్ట్ లుక్ పోస్టర్లను కూడా విడుదల చేసారు. ఇందులో రామ్ సరసన రాశిఖన్నా హీరోయిన్ గా నటిస్తుంది.

బ్యూటీఫుల్ రొమాంటిక్ లవ్ యాక్షన్ ఎంటర్ టైనర్ గా రూపొందుతున్న ఈ చిత్రాన్ని అక్టోబర్ 2న గాంధీ జయంతి సంధర్భంగా విడుదల చేయబోతున్నట్లుగా చిత్ర యూనిట్ ప్రకటించారు. ప్రస్తుతం ఈ చిత్ర షూటింగ్ నార్వేలో జరుగుతోంది. దేవిశ్రీప్రసాద్ సంగీతం అందిస్తున్న ఈ చిత్ర ఆడియో త్వరలోనే విడుదల చేయనున్నారు.