అమరావతి నిర్మాణంకోసం సాయికొర్రపాటి బాహుబలి సాయం

Posted: 07/09/2015 01:14 PM IST

‘ఈగ, అందాల రాక్షసి, ఉహలు గుస గుసలాడే, లెజెండ్, దిక్కులు చూడకు రామయ్యా వంటి హిట్ చిత్రాలను అందించిన వారాహి చలనచిత్రం సంస్థ అధినేత నిర్మాత సాయికొర్రపాటి ‘బాహుబలి’ చిత్రాన్ని కర్ణాటకలో విడుదల చేస్తున్న విషయం తెలిసిందే. అలాగే ‘బాహుబలి’ చిత్రాన్ని కృష్ణాజిల్లాలో కూడా విడుదల చేయనున్నారు.

కృష్ణాజిల్లాలో ‘బాహుబలి’ చిత్రాన్ని 30 బెనిఫిట్ షోలను వారాహి చలన చిత్రం సంస్థ ప్రదర్శించనున్నారు. ఈ బెన్ఫిట్ షోల కోసం అక్కడి కలెక్టర్ పర్మిషన్ కూడా తీసుకున్నారు. అయితే ఈ బెన్ఫిట్ షోల ద్వారా వచ్చే మొత్తాన్ని ఆంధ్రప్రదేశ్ రాజధాని అమరావతి నిర్మాణం కోసం ఆంధ్రప్రదేశ్ ముఖ్యమంత్రి నారా చంద్రబాబు నాయుడుకి అందజేయాలని సాయికొర్రపాటి నిర్ణయించుకున్నారు. మరి ఈ బెన్ఫిట్ షోల ద్వారా ఎంత మొత్తం వసూలు కానుందో మరో రెండు రోజుల్లో తెలియనుంది.

ఎస్.ఎస్.రాజమౌళి దర్శకత్వంలో తెరకెక్కిన ‘బాహుబలి’ చిత్రాన్ని ఆర్కా మీడియా సంస్థం ప్రతిష్టాత్మకంగా భారీ బడ్జెట్ తో నిర్మించింది. ప్రభాస్, రానా, తమన్నా, రమ్యకృష్ణ, అనుష్క ప్రధాన పాత్రలలో నటించిన ఈ చిత్రాన్ని జులై 10న ప్రపంచ వ్యాప్తంగా విడుదల చేయనున్నారు.