చెన్నైలో బాహుబలి టీం సందడి...ప్రభాస్ కేక అంతే!

Posted: 06/06/2015 12:02 PM IST

Baahubali tamil trailer launch in chennai

తెలుగు సినీ ఇండస్ట్రీలోని ప్రస్తుత టాప్ 1 దర్శకుడు ఎస్.ఎస్.రాజమౌళి దర్శకత్వంలో ప్రతిష్టాత్మకంగా తెరకెక్కుతున్న చిత్రం ‘బాహుబలి’. తెలుగుతో పాటు హిందీ, తమిళ భాషలలో కూడా ఈ చిత్రాన్ని ప్రపంచ వ్యాప్తంగా విడుదల చేయనున్నారు. ఇప్పటికే ఈ మూడు భాషల వర్షెన్ లకు సంబంధించి ‘బాహుబలి - ది బిగినింగ్’ ట్రైలర్ ను విడుదల చేసారు. అన్ని భాషలలో కూడా అద్భుతమైన స్పందన వస్తుంది.

హిందీలో మళ్లీ ఓ ప్రెస్ మీట్ పెట్టి చిత్ర యూనిట్ అంతా పాల్గొని హిందీ ట్రైలర్ విడుదల చేసారు. అయితే నిన్న ఈ చిత్ర తమిళ వర్షెన్ కు సంబంధించిన ట్రైలర్ విడుదల కార్యక్రమాన్ని చెన్నైలో ఘనంగా నిర్వహించారు. ఈ కార్యక్రమానికి రాజమౌళి ప్రభాస్, రానా, తమన్నా, అనుష్క, నాజర్, సత్యరాజ్ లతో పాటు చిత్ర యూనిట్ పాల్గొన్నారు. ఈ కార్యక్రమానికి తమిళ నటులు సూర్య మరియు సుహాసిని మణిరత్నంలు వ్యాఖ్యతలు వ్యవహరించారు.

ఈ ట్రైలర్ విడుదల కార్యక్రమాన్ని తమిళంలో గ్రాండ్ గా నిర్వహించారు. త్వరలోనే ఆడియోను కూడా భారీ ఎత్తున విడుదల చేయడానికి ఇప్పటికే ఏర్పాట్లు కూడా ప్రారంభమైనట్లుగా తెలిసింది. ఎం.ఎం.కీరవాణి సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు.

ప్రభాస్, అనుష్క, తమన్నా, రానా ప్రధాన పాత్రలలో నటించిన ఈ చిత్ర ట్రైలర్ ఇప్పటికే యూట్యూబ్ రికార్డులన్నీ బద్దలుకొట్టి కొత్త రికార్డులను క్రియేట్ చేస్తుంది. భారీ బడ్జెట్ తో ప్రముఖ నిర్మాణ సంస్థ ఆర్కా మీడియా నిర్మిస్తుంది. ఈ చిత్రాన్ని జులై 10న ప్రపంచ వ్యాప్తంగా తెలుగు, తమిళ, హిందీ భాషలలో భారీ ఎత్తున గ్రాండ్ లెవల్లో విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.