అత్తారింటికి కన్నడ రన్న ట్రైలర్ అదుర్స్

Posted: 05/26/2015 03:47 PM IST

త్రివిక్రమ్ శ్రీనివాస్ దర్శకత్వంలో పవర్ స్టార్ పవన్ కళ్యాణ్ హీరోగా సమంత, ప్రణీత హీరోయిన్లుగా నటించిన ‘అత్తారింటికి దారేది’ సినిమా 2013లోనే బిగ్గెస్ట్ హిట్ గా నిలిచింది. అయితే ఈ చిత్రాన్ని ప్రస్తుతం కన్నడంలో సుదీప్ హీరోగా రీమేక్ చేస్తున్నారు.

కన్నడ స్టార్ హీరో సుదీప్ హీరోగా ‘రన్న’ అనే పేరుతో ఈ చిత్రాన్ని రీమేక్ చేస్తున్నారు. ఇందులో సుదీప్ సరసన రచిత రాం, హరిప్రియలు హీరోయిన్లుగా నటిస్తున్నారు. సుదీప్ కు అత్త పాత్రలో మధుబాల నటిస్తోంది. తాజాగా విడుదలైన ఈ చిత్ర థియేటర్ ట్రైలర్ దుమ్మురేపుతోంది.

సుదీప్ సమర్పణలో నంద కిషోర్ దర్శకత్వంలో తెరకెక్కుతున్న ఈ చిత్రాన్ని ఎం.చంద్రశేఖర్ భారీ బడ్జెట్ తో నిర్మిస్తున్నారు. హరికృష్ణ సంగీతం అందించిన ఈ చిత్రంలో దేవిశ్రీప్రసాద్ ఓ పాటను కూడా పాడారు. ఈ పాటకు చాలా మంచి రెస్పాన్స్ వస్తోంది.

ఇప్పటికే విడుదలైన పాటలు, ట్రైలర్లకు మంచి స్పందన వస్తోంది. ఈ చిత్రాన్ని కన్నడలో భారీ ఎత్తున జూన్ 4వ తేదిన విడుదల చేయనున్నారు. మరి ఈ సినిమా కన్నడలో ఎలాంటి విజయం సాధించనుందో త్వరలోనే తెలియనుంది.

Video Source : DBeatsMusicWorld