ఇంటర్మీడియెట్ గట్టెక్కిన లిప్ లాక్ లక్ష్మీమీనన్

Posted: 05/26/2015 11:14 AM IST

Actress lakshmi menon clears plus two exams

ఇంటర్మీడియట్ ద్వితీయ సంవత్సర పరీక్షల్లో కోలీవుడ్ హీరోయిన్ లక్ష్మీమీనన్ పాసయ్యింది. ఈ విషయం సినిమా షూటింగ్ లోనిది కాదు. నిజజీవితంలోనే జరిగింది. పదవ తరగతి చదువుతున్న సమయంలోనే తమిళ సినీ ఇండస్ట్రీలోకి హీరోయిన్ గా ఎంట్రీ ఇచ్చేసింది లక్ష్మీ మీనన్.

మొదటి రెండు, మూడు చిత్రాలతోనే నటిగా మంచి పేరును దక్కించేసుకుంది. ఆ తర్వాత నటిగానే కాకుండా గ్లామర్ పరంగా భారీ లిప్ లాక్ సన్నీవేశాలలో నటించేసింది. ఇక ఈ అప్పటి నుంచి వరుసగా గ్లామర్ పాత్రలలో నటిస్తూ బిజీగా వుంది. ఈ మధ్య తనకు లంగావోణీ పాత్రలే వస్తున్నాయని, తాను కూడా హాట్ హాట్ పాత్రల్లో నటించడానికి సిద్ధమేనంటూ చెప్పుకొచ్చింది.

అలాంటి ఈ అమ్మడు ఇటీవలే ఇంటర్మీడియట్ రెండవ సంవత్సరం పరీక్షలు రాసింది. ఇందులో లక్ష్మీమీనన్ 70శాతం మార్కులతో పాస్ అయినట్లుగా ఆమె తల్లి తెలియజేసారు. ఈ పరీక్షల కారణంగానే కొద్దిరోజులుగా సినిమా షూటింగ్ లకు విరామం ఇచ్చి, చదువుపై దృష్టి సారించింది. ఇపుడు ఫలితాలు రావడంతో మళ్లీ సినిమాల్లో బిజీ అయ్యింది.