విడుదలకు సిద్ధమవుతున్న కాంచన2

Posted: 04/08/2015 05:55 PM IST

రాఘవ లారెన్స్ హీరోగా తెరకెక్కిన ‘ముని’, ‘కాంచన’ చిత్రాలు తెలుగు, తమిళ భాషలలో ఘనవిజయం సాధించిన విషయం తెలిసిందే. లారెన్స్ స్వీయ దర్శకత్వంలో రూపొందిన ఈ చిత్రంలోని లారెన్స్ నటనకు భారీ ప్రశంసలు దక్కాయి. ‘ముని’ సినిమాను మించి ‘కాంచన’ సినిమా ఘనవిజయం సాధించింది.

ప్రస్తుతం లారెన్స్ ఈ చిత్రానికి సీక్వెల్ గా ‘కాంచన2’ చిత్రాన్ని తెరకెక్కించారు. హర్రర్ కామెడీ ఎంటర్ టైనర్ గా రూపొందుతున్న ఈ చిత్రంలో లారెన్స్ సరసన తాప్సీ హీరోయిన్ గా నటించింది. నిత్యామీనన్ ఓ కీలక పాత్రలో నటించింది. ఇటీవలే తమిళ వర్షెన్ కు సెన్సార్ కార్యక్రమాలు పూర్తయ్యాయి.

తమిళంలో ఈ చిత్రానికి U/A సర్టిఫికెట్ అందజేసారు. ఈ చిత్రాన్ని ఏప్రిల్ 17న ప్రపంచ వ్యాప్తంగా తెలుగు, తమిళ భాషల్లో విడుదల చేయడానికి సన్నాహాలు చేస్తున్నారు. త్వరలోనే అధికారికంగా ఓ ప్రకటన విడుదల చేయనున్నారు. ఇటీవలే విడుదలైన ‘కాంచన2’ ఫోటోలకు భారీ రెస్పాన్స్ వస్తోంది. లారెన్స్ కొత్త గెటప్ లో అదరగొడుతున్నాడు.

భారీ అంచనాలతో రూపొందుతున్న ఈ చిత్రాన్ని ప్రముఖ నిర్మాత బెల్లంకొండ సురేష్ నిర్మిస్తున్నారు. ఈ సినిమా హిట్టయితే ఇక ‘కాంచన2’కు కూడా సీక్వెల్ తెరకెక్కిస్తాడేమో అనే సందేహాలు మొదలయ్యాయి.