అడ్జస్ట్ చేసుకోలేక బయటికొచ్చేసింది!

Posted: 03/13/2015 03:34 PM IST

‘నేనొక్కడినే’ సినిమా ద్వారా తెలుగు ప్రేక్షకులకు పరిచయమైంది నటి కృతిసనన్! ఈ అమ్మడికి తెలుగులో అంతగా అవకాశాలు లేకపోయినా.. బాలీవుడ్ లో బాగానే వస్తున్నాయి. అక్కడ ఈమె నటించిన తొలిచిత్రం ‘హీరోపంతి’ హిట్ సాధించడంతో ఈమెకు ఆఫర్ల వెల్లువ వుంది. అయితే.. ఈ విధంగా తనకు ఆఫర్లు రావడంతో అమ్మడు తన డేట్స్ అడ్జస్ట్ చేసుకోలేకపోతోంది. డేట్స్ అడ్జస్ట్ చేయలేక ఇప్పటికే కొన్ని కొత్త చిత్రాలను వదిలేసుకున్న ఈ పొడుగుకాళ్ల సుందరి.. ఏకంగా అక్షయ్ కుమార్ తో కలిసి చేయాల్సిన భారీ మూవీనే వదులుకుంది.

ప్రముఖ నృత్యకారుడు, దర్శకుడు ప్రభుదేవా దర్శకత్వంలో అక్షయ్ కుమార్ హీరోగా ‘సింగ్ ఈజ్ బ్లింగ్’ పేరిట ఓ మూవీ రూపొందనున్న విషయం తెలిసిందే! మొదట ఈ చిత్రంలో కథానాయికగా కృతి సనన్ ఛాన్స్ కొట్టేసింది. ఈ క్రమంలో తనకు ఎన్ని సినిమాలున్నప్పటికీ ఎంతో కష్టపడిమరీ డేట్స్ అడ్జస్ట్ చేసుకుంది. ఈ మూవీలో కొన్ని యాక్షన్ సీన్లలో నటించాల్సి వుంటుంది కాబట్టి.. అందుకు శిక్షణ కూడా తీసుకుంది. అక్షయ్ కుమార్ తనకోసం ప్రత్యేకంగా ఏర్పాటు చేసుకున్న ‘జిమ్’లో ఈ అమ్మడు కొన్నాళ్లపాటు రిహార్సల్స్ కూడా చేసింది. ఈ సినిమాకోసం తన పాత్రమేరకు ఎలా తయారవ్వాలో అందుకు తగ్గట్టుగా అన్నీ ఏర్పాట్లు చేసుకుంది. అయితే.. ఈ మూవీ అనుకున్న తేదీకి పట్టాలెక్కకపోవడంతో కృతి సనోన్ తప్పుకోవాల్సి వచ్చింది. ఇతర మూవీ షూటింగులతో బిజీగా వున్నందున్న షూటింగ్ పోస్ట్ పోన్ అయిన అక్షయ్ మూవీకి డేట్స్ అడ్జస్ట్ చేసుకోలేక బయటికొచ్చేసింది. ఈ విషయాన్ని కృతి స్వయంగా ప్రకటించింది కూడా!

‘అక్షయ్ కుమార్ సరసన నటించాల్సిన ‘సింగ్ ఈజ్ బ్లింగ్ మూవీకోసం ఎంతగా ప్రయత్నించినా డేట్స్ ఇవ్వలేకపోయాను. అందుకే.. ఓ మంచి ఛాన్సును వదులుకుంటున్నాను’ అని అమ్మడు స్పష్టం చేసింది. ఇక ఈమె స్థానంలో ‘ఐ’ భామ అమీ జాక్సన్ ను తీసుకున్నారు. ఈ నేపథ్యంలోనే తాను అమీకి బెస్ట్ విషెస్ చెబుతున్నానని, ఆ పాత్రకు ఆమె పర్ ఫెక్ట్ గా సూటవుతుందని ఆమె తెలిపింది.