పవన్ డైలాగ్ రవికి టైటిల్ అయింది

Posted: 11/12/2014 03:15 PM IST

Ravi teja sampath nandi movie title is bengal tiger

టాలీవుడ్ అంతా పవన్ మ్యానియాలో మునిగి తేలుతోంది. ఇందుగలడు అందులేడన్నట్లు ఏ కార్యక్రమం చేసినా అందులో పవన్ ప్రస్తావన ఉంటోంది. ఇక సినిమాలు అయితే పవన్ పేరు చెప్పుకుని హిట్ కొడుతున్నాయి. తాజాగా రవితేజ కొత్త సినిమాకు కూడా పవన్ సినిమాలోని ఓ డైలాగ్ ను టైటిల్ గా పెట్టినట్లు తెలుస్తోంది. పవన్ కు మంచి హిట్ ఇచ్చిన ‘ఖుషి’ సినిమాలో పవర్ స్టార్ తనను తాను బెంగాల్ టైగర్ గా చెప్పుకుంటాడు. ఇప్పుడిదే డైలాగ్ ను మాస్ మహారాజ సినిమాకు టైటిల్ గా పెట్టారనే ప్రచారం జరుగుతోంది.

అయితే పవన్ వాడినందునే ఈ డైలాగ్ పెట్టినట్లు మాత్రం చెప్పలేము. కాని రవితేజ బాడి లాంగ్వేజ్ తో పాటు కధకు ఈ టైటిల్ అయితే సూపర్ గా సూట్ అవుతుందని అంటున్నారు. ప్రస్తుతం ఈ టైటిల్ పరిశీలన దశలోనే ఉన్నా, ఇదే ఫైనల్ అవుతుందని అంటున్నారు. పవన్ తో ‘గబ్బర్ సింగ్2’ ప్రాజెక్టు నుంచి బయటకు వచ్చేసిన సంపత్ నంది, రవితేజ సినిమా కోసం చాలా కష్టపడుతున్నాడు. కథను పూర్తిగా సిద్దం చేసుకుని ప్రి ప్రొడక్షన్ పనులు చూసుకుంటున్నాడు.

నంది సినిమాలో రవితేజ సరసన తమన్నా హీరోయిన్ గా నటించనుంది. ప్రస్తుతం ‘కిక్2’ షూటింగ్ లో ఉన్న మాస్ మహారాజా, ఈ ప్రాజెక్టు ముగింపుకు చేరుకోగానే నంది సినిమా మొదలు పెట్టేస్తాడట. ఇక ‘కిక్2’ సినిమా 2015 వేసవిలో విడుదల కానుంది.

కార్తిక్