టాలీవుడ్ లో క్రేజీ కాంబినేషన్

Posted: 08/05/2013 11:49 AM IST

టాలీవుడ్ తెర పై త్వరలో ఓ క్రేజీ కాంబినేషన్ లో  సినిమా రాబోతుంది. ప్రేమకథా చిత్రాల దర్శకుడిగా పేరు తెచ్చుకున్న సుకుమార్ తన తరువాతి సినిమాను ఎన్టీఆర్ తో చేయబోతున్నాడు. వీరిద్దరి కాంబినేషన్లో ఓ సినిమా రాబోతుందంటు గత కొంత కాలంగా వార్తలు వస్తున్న విషయం తెలిసిందే. ఈ వార్తలను నిజం చేస్తూ  ఈ చిత్రాన్నినిర్మించబోయే ప్రముఖ దర్శకుడు బీవీయస్ఎస్ ప్రపాద్ ప్రకటన చేశారు. సుకుమార్ చెప్పిన కథకు ఎన్టీఆర్ గ్రీన్ సిగ్నల్ ఇచ్చాడని సమాచారం. ప్రస్తుతం హరీశ్ శంకర్ దర్శకత్వంలో ‘రామయ్య వస్తావయ్యా ’, మరో వైపు కందిరీగ ఫేం సంతోష్ శ్రీనివాస్ దర్శకత్వంలో ‘రభస ’ చిత్రంలో నటిస్తున్నాడు. ఈ రెండు చిత్రాలు చేస్తూ బిజీగా ఉన్న ఎన్టీఆర్ ఈ చిత్రంలో కూడా నటించడానికి ఓకే చెప్పడంతో ఫుల్ బిజీ కాబోతున్నాడు. ప్రస్తుతం మహేష్ తో చేస్తున్న చిత్రం తరువాత ఈ చిత్రాన్ని సెట్స్ పైకి తీసుకెళ్లే ఆలోచన చేస్తున్నాడు సుకుమార్.