తెల్లపిల్ల బిజినెస్ లో దిగుతుంది

Posted: 06/20/2013 06:29 PM IST

టాలీవుడ్ తెల్ల పిల్ల తాప్సీ ఇప్పటి వరకు తెలుగులో ఏడెనిమిది చిత్రాల్లో నటించింది. కానీ ఇంత వరకు సరైన బ్రేక్ రాలేదు. మంచు ఫ్యామిలీ హీరో ద్వారా రాఘవేంద్రరావు చేతి నుండి తెలుగు తెరకు వచ్చిన ఈ అమ్మడు వెండితెర పై ఎన్ని అందాలు ఆరబోసినా కానీ ఈ అమ్మడు వైపు తొంగిచూసే దర్శక, నిర్మాతలు కరువయ్యారు. ఇక్కడ కాకపోతే అక్కడ అన్నట్లు బాలీవుడ్ లో కూడా తన అద్రుష్టాన్ని పరీక్షించుకోవడానికి ‘ఛస్మేబద్దూర్‌ ’ సినిమాలో నటించి ఓ మోస్తరు విజయాన్ని అందుకున్న ఈ అమ్మడుకు ఆ సినిమా అక్కడ అవకాశాల్ని తెచ్చిపెట్టలేకపోయింది. ప్రస్తుతం గోపీచంద్‌తో నటించిన ‘సాహసం’ త్వరలో రిలీజ్‌కి రెడీ అవుతోంది. లారెన్స్‌ నటిస్తూ, దర్శకత్వం వహిస్తున్న ‘ముని 3’లోనూ చేస్తోన్న ఈ అమ్మడు అవకాశాలు పూర్తిగా సన్నగిల్లిన తరువాత ఏం చేస్తావని ఎవరైనా అడుగుతారేమోనని ముందే తన ఫ్యూచర్ ప్లాన్ ని చేప్పేసింది. తాను బిజినెస్ రంగంలోకి దిగుతానని చెప్పుకొచ్చింది. ఇప్పటికే చాలా మంది హీరోయిన్లు సైడ్ బిజినెస్ లు చేసుకుంటున్నారు. వాళ్ల లాగా తాప్సీ కూడా ఓ మాంచి బిజినెస్ పెడుతుంది. సినిమా సెలబ్రెటీలు సైడ్ బిజినెస్ అనగానే మనకు వేరే విధమైన ఆలోచనలు వస్తాయి. అలా మాత్రం అనుకోకండి. గ్లామర్ ఆరబోసి కష్టపడి సంపాదించిన డబ్బుతో తాప్సీ మంచి బిజినెస్ చేయాలనుకుంటుందట. ఎలా బిజినెస్ ప్రారంభింస్తుందో చూడాలి.