అల్లు శిరీష్ నమ్మకం

Posted: 04/07/2013 06:23 PM IST

సినీ వారసులకి సినీ రంగ ప్రవేశం పూల పాన్పు అని మరొక్క సారి రుజువు చేసాడు మెగా వంశం తో ఏకమైన అల్లు వంశం ఇంకో వారసుడు , స్టైలిష్ స్టార్ అల్లు అర్జున్ తమ్ముడు , స్టార్ నిర్మాత అల్లు అరవింద్ తనయుడు , అల్లు శిరీష్ ...

 తొలుత సహాయ నిర్మాత గా , తన తండ్రి తీసిన ఎన్నో సినిమాలకి భాద్యతలు నిర్వహించిన అల్లు శిరీష్ కి , తన అన్న అర్జున్ ని చూసి తాను కూడా నటుడిగా గుర్తింపు తెచ్చుకోవాలని కోరిక పుట్టిందో ఏమో , అనుకున్నదే తడవుగా , నటుడికి కావాల్సిన కొన్ని మెళుకువలు తెలుసుకుని , మెరుగులు దిద్దుకుని 'గౌరవమ్' అనే విన్నూత్న కధాంశం తో రూపొందించే చిత్రం ద్వారా హీరో గా పరిచయం అవుతున్నాడు ... హిందీ పరిశ్రమలో 'విక్కీ డోనర్' వంటి హిట్ చిత్రం ద్వారా కధానాయిక గా రంగ ప్రవేశం చేసిన యామీ గౌతమ్ ఈ చిత్రం లో హీరోయిన్ ... నటుడు ప్రకాష్ రాజ్ నిర్మాణం లో ఈ చిత్రం త్వరలో విడుదల కు సిద్ధం అయ్యింది ...

 

 తెలుగు సినీ పరిశ్రమని తన సంగీతం తో ఉర్రూతలూగిస్తున్న తమన్ ఈ చిత్రానికి కూడా కొన్ని అద్భుతమైన బాణీలు అందించాడు . ఈ చిత్రం ఆడియో ఈ మధ్యనే విడుదల అయ్యింది . చిత్రం ట్రెయిలర్స్ చూస్తూ ఉంటె , కొత్త తరహా కధాంశం తో రూపొందిన చిత్రం అని అర్ధం అవుతుంది . 'గౌరవమ్ ' విజయం సాధించడం ఈ చిత్ర దర్శకుడు , రాధా మోహన్ కు నిజంగానే 'గౌరవమ్ ' ...