Posted: 02/18/2013 05:12 PM IST

ప్రస్తుతం వెస్టర్న్, ఫోక్ డ్యాన్సుల హవా తగ్గి, కొత్తగా గంగ్నమ్ స్టైల్ డాన్స్ హవా కొనసాగుతుంది. కొరియన్ కళాకారుడు  స్పై సృష్టించిన ఈ డాన్స్ కు ఇప్పుడు ప్రపంచ వ్యాప్తంగా అభిమానులు ఏర్పడిన సంగతి తెలిసిందే. మొన్నామధ్యన జరిగిన పొట్టి ఫార్మాట్ వరల్డ్ కప్ లో విస్టిండీస్ ఆటగాడు క్రిస్ గేల్ మైదానంలో ఈ డాన్స్ ను వేసి ఫ్యాన్స్ ని ఉర్రూతలు ఊగించిన విషయం తెలిసిందే. ఒక్క గేల్ కాకుండా జెకోవిచ్ లాంటి ఎందరో క్రీడాకారులు దీనికి ఫిదా అయిపోయి చిందేశారు. ఈ ఫీవర్ ఇప్పుడు సినిమా ఇండస్ట్రీకి పట్టుకుంది. తాజాగా మిల్కీ బ్యూటీ తమన్నా.... గంగ్నమ్ స్టైల్ డాన్స్ వేయబోతుందట. ఈమె బాలీవుడ్ లో అజయ్ దేవగన్ సరసన నటించే సినిమాలో ఈ తరహా డాన్స్ వేయబోతుందట. ఈ సినిమాలో ఓ పాటకు కొత్త రకం డాన్స్ గురించి ఆలోచిస్తుండే గంగ్నమ్ స్టైల్ గుర్తుకు రావడంతో దీనినే సినిమాలో పెట్టాలని దర్శకుడు నిర్ణయించడంతో తమన్నా కష్టపడి ఈ స్టైల్ నేర్చుకునే బిజీలో పడిందట. ఇప్పటికే విపరీతమైన క్రేజ్ సంపాదించుకున్న గంగ్నమ్ ఈ సినిమా తరువాత మరింత పాపులారిటీ సంపాదించుకుంటుందనటంలో సందేహం లేదంటున్నారు సినీ విశ్లేషకులు.