Posted: 12/13/2012 11:54 AM IST

         నాని, సమంత జంటగా నటించిన చిత్రం 'ఎటో వెళ్ళిపోయింది మనసు'. క్రియేటివ్ డైరెక్టర్ గౌతమ్ మీనన్ దర్శకత్వం వహిస్తున్న ఈ మూవీ రేపే వెండితెరలను తాకబోతోంది. తేజ సినిమా పతాకంపై తెరకెక్కుతోన్న ఈ చిత్రాన్ని సి.కల్యాణ్  నిర్మిస్తున్నారు. ఇటీవలే  సెన్సార్ కార్యక్రమాలు పూర్తి చేసుకున్న యు సర్టిఫికేట్ అందుకున్న సంగతి తెలిసిందే. ఈ మూవీ రిలీజ్ పోస్టర్లను కొద్దిసేపటి క్రితమే విడుదల చేశారు.

        రిలీజ్ సందర్భంగా నిర్మాత మాట్లాడుతూ " అందమైన ప్రేమకథా చిత్రమిది. దర్శకుడు గౌతమ్‌మీనన్ ఎంతో అద్భుతంగా తీర్చిదిద్దారు. ప్రతి ఒక్కరి హృదయాల్ని హత్తుకునే సినిమా అవుతుంది. తప్పకుండా అన్ని వర్గాల ఆదరణ పొందుతుందనే నమ్మకం ఉంది'' అని అన్నారు.
      దర్శకుడు చెబుతూ "ప్రేమలోని సున్నితమైన భావోద్వేగాలను ఈ చిత్రంలో ఆవిష్కరిస్తున్నాం.
ప్రతి ఒక్కరి జీవితంలో ఓ మధుర స్మృతి ఉంటుంది. ఓ జంట జీవితాల్లో మూడు దశల్లో కలిగే ప్రేమ భావనల సమాహారమే ఈ చిత్రం. ప్రతి ఒక్కరికి వారి ప్రేమకథల్ని గుర్తు చేస్తుంది'' అని అన్నారు.
        కృష్ణుడు, విద్యు, అనుపమ, రవి రాఘవేంద్ర, శ్రీరంజని తదితరులు ఇతర పాత్రధారులు. ఈ చిత్రానికి సంగీతం: ఇళయరాజా, కెమెరా: ప్రభు, ఓం ప్రకాష్, మాటలు: కోన వెంకట్, పాటలు: అనంత్‌శ్రీరామ్, సహ నిర్మాత: సి.వి.రావు

...avnk