Posted: 10/30/2012 04:02 PM IST

ఏమైందసలు... నాగ్ పెద్ద డప్పు ఎప్పుడు మ్రోగుతుంది. ఇదే ఇప్పుడు ఆయన అభిమానులు, సినీ వర్గాల్లో భారీ చర్చ. వరుసగా 'డమరుకం' చిత్రం విడుదల తేదీ ఎప్పటికప్పుడు వాయిదా పడుతూ వస్తోంది. ఈ సినిమా దర్శక నిర్మాతలు కూడా నిన్న మొన్నటి దాకా గ్రాఫిక్స్ ను సాకుగా చూపుతూ వచ్చారు. ఇక అంతా సిద్ధమైపోయింది ... దసరాకి ప్రేక్షకుల ముందుకి వస్తుందని కూడా చెప్పారు. ఇక కథానాయకుడు నాగార్జున కూడా ఈసారి ఈ సినిమా వాయిదా పడదన్నట్టుగా మీడియాతో మాట్లాడారు. కానీ చివరికి అంతా అనుకున్నట్టే మళ్లీ వాయిదా పడింది. అయితే అసలు ఈ సినిమా విడుదల ఆలస్యానికి అసలు కారణం గ్రాఫిక్స్ కాదనీ, ఈ సినిమాను నిర్మించిన ఆర్.ఆర్. మూవీమేకర్స్ వారు ఆర్ధికపరమైన ఇబ్బందుల్లో పడటమేననే వార్తలు వినిపిస్తున్నాయి. కారణం 'డమరుకం' చిత్రానికి అనుకున్న బడ్జెట్ స్థాయిని భారీగా దాటిపోవడమే ఇందుకు కారణమని అంటున్నారు.

...avnk