Posted: 10/05/2012 08:42 PM IST

పూరీ తమ్ముడు హీరోగా  మరో ప్రేమ కథాంశంతో 'A వచ్చి B పై వాలే ' అనే చిత్రం రూపొందుతోంది. హను క్రియేషన్స్ బ్యానర్ పై రాజేష్ కుమార్ నిర్మిస్తోన్న ఈ సినిమాలో, సాయిరాం శంకర్ - సురభి నాయకా నాయికలుగా నటిస్తున్నారు. సుందర్ దర్శకుడిగా వ్యవహరిస్తోన్న ఈ సినిమా షూటింగ్ ఈ రోజు ఉదయం హైదరాబాద్ - అన్నపూర్ణ  స్టూడియోలో లాంఛనంగా ప్రారంభమైంది. తొలి సన్నివేశానికి అప్పారావు క్లాప్ కొట్టగా ... కె.వి.వి.సత్యనారాయణ కెమెరా స్విచాన్ చేయగా ... కె.ఎల్.దామోదర ప్రసాద్ గౌరవ దర్శకత్వం వహించారు. ఈ సందర్భంగా దర్శకుడు సుందర్ మాట్లాడుతూ, ఈ సినిమా టైటిల్లో  'A అంటే అవని  ... B అంటే బాలు అని చెప్పారు. వీళ్లిద్దరి మధ్య నడిచే ప్రేమాయణమే ఈ సినిమా కథా వస్తువని అన్నారు. మరో పది రోజుల్లో రెగ్యులర్ షూటింగ్ మొదలౌతుందనీ, రెండు షెడ్యూల్స్ లో షూటింగును పూర్తి చేస్తామని వెల్లడించారు.

..avnk