Posted: 09/11/2012 08:05 PM IST

       తన సినిమాలను కుటుంభ సమేతంగా ఎంతో ఉల్లాసంగా చూసేలా ప్లాన్ చేస్తున్నారు విక్టరీ వెంకటేష్. అంతేకాదు ఎడతెరిపి లేకుండా సినిమాలు చేస్తూ ప్రేక్షకులకు కనువిందుచేస్తున్నారు. ఈ పంథాను కొనసాగిస్తూ తన తదుపరి చిత్రంగా 'గోల్ మాల్ 3 ' రీమేక్ లో వెంకీ చేయబోతున్నట్లు తెలుస్తోంది. 'గోల్ మాల్ 3'. బాలీవుడ్ లో కాసుల వర్షం కురిపించిన చిత్రం. కథా వస్తువు హాస్యరస ప్రధానమైనది కావడంతో, ఈ సినిమాను వెంకటేష్ తో రూపొందిస్తే బాగుంటుందని దర్శక నిర్మాతలు భావిస్తున్నట్లు తెలుస్తోంది. కామెడీని పండించడం వెంకటేష్ కి వెన్నతో బెట్టిన విద్య. ఎంతో ఈజీగా ఆయన తెర పై నాన్ స్టాప్ కామెడీని నడిపిస్తారు  థియేటర్లో నవ్వుల వర్షం కురిపిస్తారు. ఈ కారణంగానే ఈ రీమేక్ లో కథానాయకుడిగా ఆయననే ఖరారు చేసుకోవాలని వినికిడి.  అయితే ఈ సినిమా విషయంలో వెంకటేష్ ఎలా స్పందిస్తాడనేది ఆసక్తికరంగా మారింది.         ప్రస్తుతం ఆయన చేస్తోన్న 'సీతమ్మ వాకిట్లో సిరిమల్లె చెట్టు'లో ఆత్మీయానురాగాలు పంచే అన్నగా, 'షాడో' లో ఫుల్ లెంత్ యాక్షన్ హీరోగా ప్రేక్షకుల ముందుకి వస్తున్నారు. అయితే ఈ రెండు సినిమాల్లో తనదైన కామెడీకి పెద్దగా ఆస్కారం లేకపోవడంతో, పూర్తి స్థాయి హాస్యాన్ని అందించే ఓ సినిమా చేయాలని వెంకటేష్ కూడా భావిస్తున్నాట్టు భోగట్టా...

..avnk