Posted: 09/07/2012 06:45 PM IST

        ఎంతో ప్రతిష్టాత్మకంగా రూపొందుతోన్న కింగ్ నాగార్జున 'డమరుకం' తుదిమెరుగులు దిద్దుకుంటోంది. ప్రస్తుతం గ్రాఫిక్స్ కి సంబంధించిన వర్కును పూర్తి కావచ్చింది. ఈ సినిమా ఆడియోను ఈనెల10 వ తేదీన హైదరాబాద్ - హైటెక్ సిటీలోని 'శిల్పకళావేదిక'లో విడుదల చేస్తున్నారు. అత్యంత వైభవంగా జరిగే ఈ వేడుకకి పరిశ్రమకి చెందిన పలువురు ప్రముఖులు హాజరు కానున్నారు. నాగ్ అభిమానులు కూడా ఈ కార్యక్రమానికి పెద్ద ఎత్తున తరలి వస్తారని తెలుస్తోంది. శ్రీనివాస్ రెడ్డి దర్శకత్వంలో వెంకట్ నిర్మించిన ఈ సినిమాకి, దేవిశ్రీ ప్రసాద్ సంగీతాన్ని అందించారు.  ఇటీవల ఆయన సంగీతంలో వచ్చిన 'గబ్బర్ సింగ్' ... 'జులాయి' సినిమాలు ఆడియో పరంగా కూడా మంచి మార్కులు కొట్టేశాయి. దాంతో సహజంగానే ఈ ఆడియో పై అభిమానుల అంచనాలు పెరిగిపోయాయి.
       ఇక భారీ బడ్జెట్టుతో నిర్మితమైన ఈ సోషియో ఫాంటసీ చిత్రం అక్టోబర్లో ప్రేక్షకుల ముందుకు రానుంది. తాను తొలిసారిగా నటించిన ఈ సోషియో ఫాంటసీ చిత్రం, ఘన విజయాన్ని సాధిస్తుందనే నమ్మకంతో నాగార్జున ఉన్నారు.

...avnk