Posted: 08/05/2012 08:43 PM IST

       'ప్రేమకావాలి', 'లవ్‌లీ' వంటి సూపర్‌ హిట్‌ చిత్రాల తర్వాత లవ్‌లీ రాక్‌స్టార్‌ ఆది, నిషా అగర్వాల్‌, నీలం ఉపాధ్యాయ జంటగా 'పిల్ల జమీందర్‌' ఫేం అశోక్‌ జి.దర్శకత్వంలో ప్రముఖ సీనియర్‌ నిర్మాత కె.వి.వి.సత్యనారాయణ సమర్పణలో శ్రీ సౌదామిని క్రియేషన్స్‌ పతాకంపై యువ నిర్మాత కె.వేణుగోపాల్‌ నిర్మిస్తున్న చిత్రం 'సుకుమారుడు'. శరవేగంగా షూటింగ్‌ జరుపుకుంటున్న ఈ చిత్రం ఇప్పటివరకు 60శాతం పూర్తయింది.
        ఈ సందర్భంగా సమర్పకులు కె.వి.వి.సత్యనారాయణ మీడియాతో ముచ్చటించారు. ''చక్కని ఫ్యామిలీ ఎంటర్‌టైనర్‌గా రూపొందుతున్న మా 'సుకుమారుడు' ఆగస్ట్‌ 15 నుండి మూడో షెడ్యూల్‌ ప్రారంభమవుతుంది. ఆది నటించిన ప్రేమకావాలి, లవ్‌లీ పెద్ద హిట్‌ అయ్యాయి. ఇప్పుడు మూడో సినిమాని కూడా సూపర్‌హిట్‌ చెయ్యాలన్న ఉద్దేశ్యంతో దర్శకుడు అశోక్‌ చాలా అద్భుతంగా ఈ చిత్రాన్ని రూపొందిస్తున్నాడు. ఎంటర్‌టైన్‌మెంట్‌తోపాటు సెంటిమెంట్‌, యాక్షన్‌ కూడా ఈ చిత్రంలో ఉంటుంది.
      ఈ చిత్రం ద్వారా నిర్మాతగా పరిచయమవుతున్న మా అబ్బాయి వేణు, హీరో ఆది, దర్శకుడు అశోక్‌ మంచి అండర్‌స్టాండింగ్‌తో పక్కాగా షూటింగ్‌ చేస్తున్నారు. మా 'సుకుమారుడు' అన్ని వర్గాల ప్రేక్షకుల్ని ఆకట్టుకుంటాడన్న నమ్మకం నాకు ఉంది'' అన్నారు. లవ్‌లీ రాక్‌స్టార్‌ ఆది, నిషా అగర్వాల్‌, నీలమ్‌ ఉపాధ్యాయ, ప్రత్యేక పాత్రలో సూపర్‌ స్టార్‌ కృష్ణ, శారద, బ్రహ్మానందం తదితరులు నటిస్తున్న ఈ చిత్రానికి సంగీతం : అనూప్‌ రూబెన్స్‌, నిర్మాత కె.వేణుగోపాల్‌, కథ-స్క్రీన్‌ప్లే-దర్శకత్వం:అశోక్‌ జి.

...avnk