Posted: 06/27/2012 07:23 PM IST

     బన్నీని 'దేశముదురు'ని చేసిన పూరీ మళ్లీ ఏదో చేసేందుకు రెడీ అయిపోతున్నాడు. దేశముదురు  చిత్రం తర్వాత మళ్లీ చాలా కాలానికి అల్లు అర్జున్, పూరీ జగన్నాథ్ కాంబినేషన్లో రూపొందనున్న చిత్రానికి ముహూర్తం ఖరారైంది. ఈ చిత్రం షూటింగును అక్టోబర్ 18 న హైదరాబాదులో ప్రారంభించడానికి సన్నాహాలు చేస్తున్నారు. ప్రస్తుతం పవన్ కల్యాణ్, తమన్నాలతో పూరీ చేస్తున్న 'కెమెరామేన్ గంగతో రాంబాబు' చిత్రం సరిగ్గా అదే రోజున విడుదల కానున్న సంగతి మనకు తెలిసిందే. అలాగే అల్లు అర్జున్ తో చేసే చిత్రం విడుదల డిసెంబర్లో ఉండేలా పూరీ జగన్నాథ్ ప్లాన్ చేస్తున్నాడట. 'గబ్బర్ సింగ్' చిత్ర నిర్మాత బండ్ల గణేష్ నిర్మించే ఈ చిత్రంలో కథానాయికగా శృతి హాసన్ నటించే అవకాశం వుంది. ఇందుకు సంబంధించి ప్రస్తుతం ఆమెతో చర్చలు జరుగుతున్నాయి. ఇది మరో సంచలనం కాబోతుందేమో చూడాలి..

...avnk