Posted: 05/10/2012 12:29 PM IST

       మన హీరో జగపతి బాబు లండన్ మహానగరంలో తాండవం చేయట మేమిటనుకుంటున్నారా.. విక్రం, జగపతిబాబు ప్రధాన పాత్రధారులుగా తెలుగు, తమిళ భాషల్లో రూపొందుతున్న 'తాండవం' చిత్రం షూటింగు ప్రస్తుతం లండన్ నగరంలో జరుగుతోంది. గత మూడు వారాలుగా జరుగుతున్న ఈ షూటింగులో కీలక సన్నివేశాలను, పాటలను దర్శకుడు ఎ.ఎల్.విజయ్ చిత్రీకరిస్తున్నాడు. అనుష్క, ఏమీ జాక్సన్ కథానాయికలుగా నటిస్తున్న ఈ చిత్రాన్ని యూటీవీ మోషన్ పిక్చర్స్ సంస్థ నిర్మిస్తోంది.  ఇందులో పోలీసాఫీసర్ గా నటిస్తున్న జగపతిబాబు కూడా ప్రస్తుతం ఈ షూటింగు కోసం లండన్లోనే వున్నారు. అప్పుడప్పుడు వర్షాలు పడుతూ, వాతావరణం చలిగానే ఉన్నప్పటికీ షూటింగుకి మాత్రం ఎటువంటి ఆటంకం కలగడం లేదని సమాచారం. జీవీ ప్రకాష్ కుమార్ సంగీతం సమకూరుస్తున్నారు.

...avnk