Posted: 03/15/2012 01:34 PM IST

           అమితాబ్ బచ్చన్ నటించిన హిందీ చిత్రం ‘కాందహార్’ తెలుగు ప్రేక్షకుల ముందుకు రాబోతోందని మనకి తెలుసు. ప్రస్తుతం ఈ మూవీకి సంబంధించిన అనువాదపు పనులు యుద్దప్రాతిపదికన జరుగుతున్నాయి.  రామ్ ప్రియాంక మీడియా ఎంటర్‌టైన్‌మెంట్స్ పతాకంపై ఈడ్పుగంటి శేషగిరి, డీకే విశ్వనాథ్ ఈ చిత్రాన్ని తెలుగులోకి అనువదిస్తున్నారు. మేజర్ రవి దర్శకుడు. మోహన్‌లాల్, గణేష్ వెంకట్రామన్, సుమలత, కావేరి ఝా ఇందులో ముఖ్యతారలు.

          ఒకప్పుడు యావత్ భారతదేశాన్ని ఊపేసిన కాందహార్ ఫ్లైట్ హైజాక్ నేపథ్యంలో రూపొందిన చిత్రమిది.  ప్రతి సన్నివేశమూ ఉత్కంఠభరితంగా సాగే ఈ సినిమాలో అమితాబ్ బచ్చన్, గణేష్ వెంకట్రామన్ తండ్రీకొడుకులుగా నటించారు. మిలటరీ మేజర్ పాత్రను మోహన్‌లాల్ పోషిస్తున్నారు. ఏప్రిల్‌ చివరి నాటికి అనువాద కార్యక్రమాలు పూర్తి చేసి, వేసవికి చిత్రాన్ని విడుదల చేయాలని సంకల్పిస్తున్నారు. ఈ చిత్రానికి కెమెరా: రవివర్మన్, వేల్‌రాజ్, సంగీతం: షామిర్ టాండన్.

...avnk