Posted: 12/07/2011 05:35 PM IST

తెర‌వెనుక స్టార్ హీరోలు ఒక‌రికొక‌రు ఆప్యాయంగా ప‌ల‌క‌రించుకోవ‌డం, ఒక‌రి ఫంక్షన్లకి ఒక‌రు హాజ‌రుకావ‌డం చూస్తుంటాం.. కానీ వ‌రి అభిమానుల విష‌యానికి వ‌స్తే మాత్రం సీన్ రివ‌ర్స్ అవుతోంది. తాజాగా కోదాడ‌లో జూనియ‌ర్ ఎన్టీఆర్‌, ప‌వ‌న్‌క‌ళ్యాణ్ అభిమానుల మ‌ధ్య ర‌గ‌డ మొద‌ల‌యింది.. కోదాడ లోని వెంకటేశ్వర థియేటర్ వద్ద జూనియర్ ఎన్టీఆర్, పవన్ కళ్యాణ్ అభిమానుల మధ్య వివాదం నెలకొంది. థియేటర్ వద్ద తాతల నాటి చరిత్ర చెప్పుకునే ఆలోచన మాది కాదని, చరిత్ర సృష్టించే చరిత్రలే భావితరాలకు భగవద్ఘీత అంటూ పవన్ అభిమానులు ఓ ఫ్లెక్సీని ఏర్పాటు చేశారు.

దీనిపై జూనియర్ ఎన్టీఆర్ అభిమానులు అభ్యంతరం తెలిపారు. క్షమాపణలు చెప్పాలని డిమాండ్ చేశారు. ఫ్లెక్సీని వెంటనే తొలగించాలని నిరసన తెలిపారు. దీంతో ఇరువురి అభిమానుల మధ్య వాగ్వాదం నెలకొంది. విషయం తెలిసిన పోలీసులు అక్కడకు చేరుకుని పరిస్థితిని అదుపు చేయడానికి యత్నిస్తున్నారు. రీసెంట్‌గా హీరో రామ్‌చ‌ర‌ణ్ ఎంగేజ్‌మెంట్ కార్యక్రమంలో జూనియ‌ర్ ఎన్టీఆర్‌, ప‌వ‌న్‌క‌ళ్యాణ్‌లు చాలా సేపు పిచ్చాపాటిగా క‌బుర్లాడుకుంటూ క‌నిపించారు.. కానీ వారి ఫ్యాన్స్ మాత్రం ఇలా ఒక‌రినొక‌రు దూశించుకోవ‌డం మంచిదేనా..? అని ఆలోచించుకోవాలి.. అభిమానం అన్నది హ‌ద్దులు దాట‌కుండా ఉంటే అంద‌రికీ బావుంటుంది క‌దా.