అందాన్ని మెరుగుపరిచే ఫుడ్స్

Posted: 08/05/2015 10:40 AM IST

Healthy foods to get fair skin home remedies face packs

చర్మసౌందర్యాన్ని పెంపొందించుకోవడం కోసం యువతీయువకులు రకరకాల పద్ధతులను అనుసరిస్తుంటారు. బ్యూటీ ప్రోడక్టులను తరుచూ వాడటం, బ్యూటీపార్లర్లకు వెళ్లడం చేస్తుంటారు. ముఖ్యంగా అమ్మాయిలు అందం విషయంలో చాలా జాగ్రత్తలు పాటిస్తారు. నిత్యం అందంగా కనిపించాలనే కోరిక వారిలో అధికంగా వుంటుంది కాబట్టి.. దానికోసం తాపత్రయం పడుతుంటారు. బ్యూటీ ప్రోడక్టులతో అందం మెరుగవుతుంది కానీ.. అందులో వుండే రసాయనాల ప్రభావం కారణంగా చర్మం సహజత్వం కోల్పోతుంది. ఇక బ్యూటీ పార్లర్లకు రెగ్యులర్ గా వెళ్లడం అంతగా మంచిది కాదని బ్యూటీషియన్లు అంటున్నారు.

మరి.. అలాంటప్పుడు దీనికి పరిష్కారం ఏంటి? చర్మసౌందర్యాన్ని మెరుగుపరుచుకోవడం కోసం మరో మార్గం లేదా? అని ఆందోళనలో మునిగిన వారికి పరిశోధకులు ఓ సలహా ఇస్తున్నారు. అందంగా కనిపించాలంటే రోజు వారీ భోజనంలో కెరోటనాయిడ్స్ అధికంగా ఉండే వెజిటబుల్స్ చేర్చుకోవాలని పరిశోధకులు సూచిస్తున్నారు. కెరోటనాయిడ్స్ అధికంగా ఉండే కేరట్లు, బంగాళదుంపలు, ఆకుకూరలు, టమోటాలు రోజువారీ ఆహారంలో భాగం చేసుకుంటే స్కిన్ టోన్ పెరుగుతుందని వారు పేర్కొంటున్నారు. వీటిని రోజువారీ ఆహారంలో భాగం చేసుకోవడం ద్వారా 42 శాతం అన్ని రోగాల నుంచి రక్షణ పొందవచ్చని వారు వెల్లడించారు. ఇవి కేన్సర్ కి వ్యతిరేకంగా పనిచేస్తాయని వారు తెలిపారు. అంటే.. ఈ ఫుడ్స్ చర్మసౌందర్యంతోపాటు ఆరోగ్యాన్ని మెరుగుపరుస్తాయి.