సున్నితమైన పెదాలకు హెల్దీ ‘లిప్ బామ్’!

Posted: 08/06/2015 12:51 PM IST

మారుతున్న వాతావరణ పరిస్థితులు చర్మసౌందర్యంపై ప్రభావం చూపుతాయి. ఆ కారణంగా ముఖవర్ఛస్సు పూర్తిగా దెబ్బతినడంతో అందవిహీనంగా తయారవుతారు. చర్మసమస్యల నివారణకు వివిధరకాల రెమెడీలతో త్వరగా దూరం చేయవచ్చు. కానీ.. సున్నితమైన పెదాల విషయంలో మాత్రం చాలా జాగ్రత్తలు తీసుకోవాల్సి వుంటుంది. లేకపోతే.. పెదాలు పూర్తిగా దెబ్బతినే అవకాశం వుంటుంది. పెదాల సంరక్షణకు మార్కెట్లో లభించే బ్యూటీ ప్రోడక్ట్స్ కంటే... ఇంటి చిట్కాలే ఎంతో మేలు.

గుమ్మడి గుజ్జుతో తేనె కలిపి తయారుచేసుకునే ‘లిప్ బామ్’ పెదాలకు ఎంతో మేలు చేస్తుంది. ఇది ఒక స్వీట్ లిప్ బామ్.. పెదాలకు సూపర్ మాయిశ్చరైజర్‌గా పనిచేస్తుంది. అంతే కాదు, దీన్ని తినవవచ్చు కూడా. దీనిని ఎలా తయారుచేస్తారంటే.. ఒక పాత్ర తీసుకుని అందులో కొద్దిగా గుమ్మడికాయ గుజ్జు తీసుకోవాలి. ఆ గుజ్జులో కొద్దిగా తేనె వేసి.. బాగా మిక్స్ చేసుకోవాలి. ఈ విధంగా చేసిన ఈ ‘లిప్ బామ్’ పెదాలకు అప్లై చేసుకోవాలి. ఇలా రెగ్యులర్ గా చేస్తే.. పెదాలు సున్నితంగా, కాంతివంతంగా మారుతాయి. అలాగే.. పెదాలు సహజత్వం కోల్పోకుండా చాలా అందంగా, క్యూట్ గా కనిపిస్తాయి.