చర్మాన్ని మృదువుగా మార్చే ఫ్రూట్స్!

Posted: 05/20/2015 07:20 PM IST

వేసవికాలంలో ఎండతాపం వల్ల చర్మం పొడిబారిపోవడం సహజం. దీంతో వృద్ధాప్య లక్షణాలు కనిపించడంతోపాటు మొటిమలు, నల్లని ఛాయలు, కంటికింద నల్లని వలయాలు ఏర్పడటం వంటి సమస్యలు కూడా వస్తాయి. ఇలాంటప్పుడు.. ఆ సమస్యలన్నింటి నుంచి ఉపశమనం పొందడంతోపాటు పొడిబారిన చర్మాన్ని మృదువుగా మార్చుకోవాలంటే.. కొన్ని ఫ్రూట్స్ తీసుకుంటే చాలని బ్యూటీషియన్లు అంటున్నారు. అలాగని ఏదిబడితే ఆ ఫ్రూట్ తీసుకోకూడదు. పోషకాలతో నిండివున్న ఫ్రూట్స్ తో తీసుకుంటే.. ఆరోగ్యంతోపాటు సౌందర్య ప్రయోజనాలు పొందవచ్చు. మరి.. ఆ జ్యూసెస్ ఏంటో తెలుసుకుందామా..

నారింజ : నారింజలో విటమిన్‌ సి ఎక్కువగా ఉంటుంది. ఇది సూర్యుని నుంచి వచ్చే అల్ట్రావయోలెట్‌ కిరణాల ప్రభావం చర్మంపై పడకుండా చేస్తుంది. అలాగే.. చర్మం ముడుతలు పడకుండా, టైట్‌గా ఉంచే కొలాజిన్‌‌ను ఉత్పత్తి చెయ్యడంలో సహాయపడుతుంది. ప్రతిరోజు ఒక నారింజను తీసుకుంటే మంచిది. మరో విషయం ఏమిటంటే.. రోజుకు రెండు వందల గ్రాముల విటమిన్ సి చర్మానికి అవసరమవుతుంది. అలాంటప్పుడు నారింజ జ్యూస్‌ తాగడం కన్నా పండు రూపంలో తినడమే మంచిది.

పీచెస్ : ఇది ఆరోగ్యాన్ని మెరుగుపర్చడంతోపాటు గ్లోయింగ్ స్కిన్ కూడా అందిస్తుంది. ఇది చర్మాన్ని శుభ్రపరిచి, బిగుతుగా చేస్తుంది. ముఖ్యంగా ముఖ కండరాలను బిగుతుగా ఉండేలా చేస్తుంది. అందుకు పీచెస్ పండ్ల మీద ఉన్న తొక్కను తొలగించి లోపల ఉన్న పదార్థంతో ముఖాన్ని బాగా మర్దన చేసుకోవాలి. దాంతో వెంటనే ఫ్రెష్‌గా ఫీల్ అవ్వడమే కాకుండా చర్మం బిగుతుగా తయారవుతుంది. దీంతో రోజుకోసారి ముఖానికి మర్దన చేసుకుంటే.. తక్కువ సమయంలో మంచి ఫలితం కనిపిస్తుంది.

పైనాపిల్ : సువాననందించే పైనాపిల్ చర్మ సంరక్షణలో బాగా ఉపయోగపడుతుంది. ఇది చర్మాన్ని శుభ్రపచడమే కాకుండా నిర్జీవంగా మారిన, పొడిబారిన చర్మాన్ని తేజోవంతం చేసి,  మృదువుగా తయారు చేస్తుంది. పైనాపిల్ ముక్కలను ముఖం, శరీరం మీద కొద్దిసేపు రుద్ది స్నానం చేసినట్లైతే తాజాగా ఫీలవుతారు.