ఒకరి తర్వాత ఇంకోకరు...

Posted: 06/25/2016 03:30 PM IST

Chandra babu block ing ministers for transfer officials

ఏపీ సీఎం చంద్రబాబు అన్ని తానై చూసుకోవాలనే తత్వంతో కీలక నేతలతో మనస్పర్థలను పెంచేస్తుంది. మొన్నటిదాకా కేవలం డిప్యూటీ సీఎం కేఈ తోనే సీఎం చంద్రబాబుకి పొసగలేదన్నది అందరికీ తెలిసిందే. రెవెన్యూ శాఖలో కోట్లాది ఆదాయం గోల్ మాల్ కావటంతో సంబంధిత పైళ్ల విషయంలో స్వయంగా బాబే అప్పుడు సంతకం చేశారు. ఇక ఇప్పుడు ఆ జాబితాలోకి మరో మంత్రి వచ్చి చేరారు. ఆంధ్రప్రదేశ్ కు ఇద్దరు డిప్యూటీ సీఎంలు ఉన్నారనే సంగతి తెలిసిందే. తూర్పు గోదావరి జిల్లాకు చెందిన నిమ్మకాయల చినరాజప్ప హోం మంత్రిగానే కాదు మరో ఉప ముఖ్యమంత్రిగా బాధ్యతలు నిర్వహిస్తున్నారు.

అయితే ఇప్పుడు ఏపీలో కొనసాగుతున్న బదిలీల్లో భాగంగా డివిజనల్ సూపరింటెండెంట్ ఆఫ్ పోలీస్ (డీఎస్పీ) బదిలీల్లో చిన్నరాజప్ప వేలు పెట్టేందుకు అవకాశం లేకుండా సీఎం నారా చంద్రబాబునాయుడు కీలక నిర్ణయం తీసుకున్నారు. మంత్రికి బదిలీలు చేసే హక్కులను తానే స్వయంగా పర్యవేక్షిస్తానని చంద్రబాబు తేల్చిచెప్పేశారు. దీనివెనుక ఆయాశాఖల్లో అవినీతితోపాటు, వీరిద్దరి రాజకీయ జోక్యానికి కూడా చెల్లు చీటి ఇస్తుందని బాబు భావిస్తున్నారంట.

గతేడాది విశాఖ ఆర్డీఓ బదిలీ వ్యవహారం ముగ్గురు మంత్రుల మధ్య పెద్ద చిచ్చునే రేపింది. అంతేకాదు సంబంధిత మంత్రుల బంధువుల జోక్యం కూడా వీటిల్లో బాగానే జరుగుతోంది. దీంతో ఉద్యోగుల బదిలీల్లో మరిన్ని వివాదాలు తలెత్తకుండా ఉండేందుకే బాబు ఈ నిర్ణయం తీసుకున్నట్లు తెలుస్తోంది. 15 మంది ఆర్డీఓలను, 22 మంది డీఎస్పీలను బదిలీ చేసేందుకు చంద్రబాబు గ్రీన్ సిగ్నల్ ఇచ్చారు. అయితే రాను రాను ఇలా అందరి విషయంలో జోక్యం చేసుకునే పరిస్థితి నెలకొనటంతో మిగతా నేతలు ఈ విషయమై ఆయనను కూర్చోబెట్టి మాట్లాడాలని డిసైడ్ అయ్యారంట.

భాస్కర్