చివరి దశలో శ్రీదర్ బాబు పరిస్థితి?

Posted: 03/12/2014 03:12 PM IST

దుద్దిళ్ల శ్రీధర్ బాబు మూడు సార్లు మంథని నుంచి ఎమ్మెల్యేగా గెలుపొందారు. కీలక మంత్రి పదవినీ దక్కించుకున్నారు. ఈసారి తెలంగాణలో  శ్రీదర్ బాబు రాజకీయ పరిస్థితి చివరి పరిస్థిత్తుల్లో ఉందని  రాజకీయ మేథావులు అంటున్నారు.

మంథని నియోజకవర్గంలో శ్రీధర్ బాబుకు ఆశించినంత మేర ప్రజల్లో సానుకూల ప్రభావం ఉన్నట్లు కనిపించడం   లేదని  రాజకీయ సర్వేలు చెబుతున్నారు. అంతేకాకుండా కాంగ్రెస్ నాయకులపై తెలంగాణ గ్రామాల్లో సానుకూలత కనిపించడం లేదని ఆపార్టీ కార్యకర్తలే అంటున్నారు. 

శ్రీధర్ బాబు మంత్రిగా సమయంలో ప్రజలకు చేరాల్సిన ప్రభుత్వ సంక్షేమ పథకాలు కాంగ్రెస్ కార్యకర్తలకు మాత్రమే చేరటంతో పల్లెల్లో కాంగ్రెస్ పై తీవ్ర వ్యతిరేకత ఏర్పడిందని విశ్వసనీయ వర్గాల సమాచారం. సమీపంలోనే గోదావరి వున్నా, తాగునీటి సమస్య పరిష్కారంలో విఫలమయ్యారని శ్రీధర్ బాబుపై విమర్శలున్నాయి. 

తెలంగాణ రాష్ట్రం కోసం పోరాటం సాగుతున్న సమయంలో తెలంగాణ ఉద్యమకారులపై కేసుల ద్వారా ప్రతిపక్షాల నోటిని పోలీసులతో మూసేయించారనే విమర్శ శ్రీధర్ బాబుపై వుంది. మరో వైపు పెద్దపల్లి ఎంపి వివేక్ కు, శ్రీధర్ బాబుకు మధ్య విబేధాలు తారాస్థాయికి చేరాయి. తెరాసలో వివేక్ కీలక పాత్ర పోషించడంతో ఈసారి మంథనిలో శ్రీధర్ బాబును ఎలాగైనా ఓడించాలని వివేక్ పట్టుదలతో ఉన్నట్లు  ఆ పార్టీ నియోజక వర్గ ప్రజలు అంటున్నారు. 

అయితే  ఈసారి  శ్రీదర్ బాబు  తెలివిగా మరో అడుగు  ముందుకేసినట్లు తెలుస్తోంది. శ్రీధర్ బాబు సోదరుడు శ్రీనుబాబు పెత్తనం మంథనిలో ఎక్కువగా  ఉన్న విషయం తెలిసిందే. మంథనిలో ప్రతిపక్షాలు లేకుండా చేయాలనే లక్ష్యంతో, ప్రతిపక్షంలో తన అనుచరులను చేర్చి, ప్రత్యర్థి వ్యూహాలను ఎప్పటికప్పుడు శ్రీధర్ బాబు తెలుసుకుంటూ వుంటారని పేరు ఆ నియోజక వర్గ ప్రజల్లో బలంగా ఉన్న విషయం తెలిసిందే. 

అయితే శ్రీదర్ బాబుకు   గిట్టనివాళ్లపై వెంటనే పోలీసులకు ఫిర్యాదులు వెళుతుంటాయని ప్రతిపక్ష నాయకులు ఆరోపిస్తుంటారు. ఇలాంటి సమయంలో  శ్రీధర్ బాబు ఈసారి మంథనినుంచి పోటీ చేయకపోవచ్చునని అంటున్నారు.  

తన తమ్ముడు శ్రీనుబాబును మంథని నుంచి పోటీకి దింపి, తాను రామగుండం నుంచి పోటీ చేసే ఆలోచనలో వున్నారని తెలంగాణ ప్రజలు, రాజకీయ పార్టీల కార్యకర్తలు అంటున్నారు. ఏమైన ఈసారి శ్రీదర్ బాబుకు  ఎదురుదెబ్బ తగిలిందని  కాంగ్రెస్  కార్యకర్తలు గుసగుసలాడుకుంటున్నారు. 

-ఆర్ఎస్