నేనెప్పుడూ అలా చెప్పలేదు : నందితా దాస్

Posted: 04/03/2015 05:31 PM IST

బాలీవుడ్ నటి నందితాదాస్ ఇటీవల ఓ విపరీతమైన వ్యాఖ్య చేసి తీవ్ర విమర్శలు మూటగట్టుకున్న విషయం తెలిసిందే! ‘మగవాళ్లందరూ రేపిస్టులే’ అని నందిత ప్రకటించినట్లుగా సోషల్ మీడియాలో వ్యాపించడంతో ఈమెపై విమర్శలు వెల్లువ కురిసింది. ఆమె ఎలా వ్యాఖ్యానించిందంటూ సోషల్ మీడియాలో ప్రశ్నలు వెల్లువెత్తాయి. దాదాపు మగవాళ్లందరూ ఆమెపై ధ్వజమెత్తినంత పనైంది.

అయితే.. తాను అటువంటి వ్యాఖ్య అసలు చేయలేదని, తానెప్పుడూ అలా చెప్పలేదని తాజాగా వివరణ ఇచ్చుకుంది. తాను అందరినీ ఉద్దేశించి ఆ మాట అనలేదని ఆమె చెప్పింది. ఇదే విషయమై నందితా ట్విటర్ లో వివరణ ఇస్తూ.. ‘మగాళ్లందరూ రేపిస్టులే’ అనే వ్యాఖ్య నేను చేసినట్లు తప్పుగా ఉటంకించారు. మగవాళ్లంతా రేపిస్టులేనని నేనెప్పుడూ చెప్పలేదు. ఈ విధంగా అర్థం చేసుకోవడం ఎంత తెలివితక్కువ పని? ఈ విషయంపై చివరికి నేను వివరణ ఇవ్వాల్సి వచ్చినందుకు చాలా బాధగా వుంది’ అంటూ ఆమె ట్వీట్ చేసింది.