దిగజారుడు రాజకీయాలకు పాల్పడను..

Posted: 03/06/2015 01:40 PM IST

గురువారం (05-03-2015)రోజు రాజధాని ప్రాంతాల్లో జనసేనాధిపతి పవన్ కల్యాణ్ పర్యటించిన విషయం తెలిసిందే! తన పర్యటనను ముగించుకున్న అనంతరం హైదరాబాద్ చేరుకున్న ఆయన.. శుక్రవారం ప్రెస్ మీట్ నిర్వహించి కొన్ని ఆసక్తికర విషయాలను వెల్లడించారు. పార్టీ కార్యాలయంలో ఏర్పాటు చేసిన మీడియాలో సమావేశంలో పవన్ మాట్లాడిన విషయాలు ఇలా..

* నవ్యాంధ్ర రాజధాని భూముల విషయంలో తనకు ఎవరినీ ఇబ్బంది పెట్టే ఉద్దేశం లేదని అన్నారు.
* కేవలం తాను బాధ్యతను మాత్రమే గుర్తు చేశానని చెప్పిన ఆయన.. దిగజారుడు రాజకీయాలకు పాల్పడనని వెల్లడించారు.
* ప్రజలు పిలిస్తేనే తాను రాజధాని ప్రాంతానికి వెళ్లానని పవన్ స్పష్టం చేశారు.
* పాలకుల విధివిధానాల్లో లోపం వుంటే భవిష్యత్ తరాలపై ప్రభావం పడుతుందని పేర్కొన్నారు.
* అసలు పెద్ద మనుషుల ఒప్పందాన్ని సరిగా అమలు చేయనందునే ఆంధ్రప్రదేశ్ రాష్ట్ర విభజన జరిగిందని పేర్కొన్నారు.
* విభజన సమయంలోనే నాటి గుజరాత్ సీఎం నరేంద్రమోదీని కలిసి సమస్యలు వివరించానని అన్నారు.
* అప్పుడు మోదీతో కలిసి తెలుగు రాష్ట్రాలకు అన్యాయం జరిగిందని వివరించానని, సమాజానికి ప్రశాంతత కల్పించానని కోరినట్లు తెలిపారు.
* అభివృద్ధికోసం గ్రామాలను చంపకూడదని, రైతు కష్టాలు తనకు తెలుసునని పవన్ అన్నారు.