తెలంగాణకు కేసీఆర్ దోషం వుంది!

Posted: 02/02/2015 04:30 PM IST

Telangana tdp minister motkupalli narsimhulu controversial comments kcr chest hospital

తెలంగాణ ముఖ్యమంత్రి కేసీఆర్ తీసుకుంటున్న కొన్ని నిర్ణయాలు వివాదాస్పంగా మారుతున్నాయి. ఇటీవలే సచివాలయానికి వాస్తు దోషం వుందంటూ అభిప్రాయం వ్యక్తం చేసిన కేసీఆర్.. దాన్ని ఎర్రగడ్డ చెస్ట్ ఆసుపత్రికి తరలిస్తామని వెల్లడించిన విషయం విదితమే! ఇప్పుడదే పెద్ద దుమారంగా మారింది. ఓవైపు రైతులు కరెంట్ కోతలతో, నీటి సమస్యతో, రుణమాఫీల ఇబ్బందులతో తీవ్ర నష్టంలో కూరుకుపోతుంటే.. కేసీఆర్ మాత్రం వాటిని పట్టించుకోకుండా అనవసరంగా డబ్బులు ఖర్చు చేస్తున్నారని ప్రత్యర్థి పార్టీలు ఆరోపణలు గుప్పిస్తున్నాయి.

ఈ నేపథ్యంలోనే టీ.టీడీపీ నేత మోత్కుపల్లి నర్సింహులు తనదైన రీతిలో కేసీఆర్’పై విమర్శలు చేశారు. తెలంగాణ రాష్ట్రానికి కేసీఆర్ దోషం వుందంటూ ఆయన తీవ్రంగా మండిపడ్డారు.
* సచివాలయానికి గానీ, తెలంగాణ రాష్ట్రానికి గానీ ఎలాంటి వాస్తు దోషం లేదన్న మోత్కుపల్లి.. కేసీఆరే ఆ రాష్ట్రానికి పెద్ద దోషమని మండిపడ్డారు.
* సచివాలయానికి వాస్తు దోషం వుందంటూ చెస్ట్ ఆసుపత్రిని తరలించాలనుకోవడం చాలా దారుణమని అన్నారు.
* చెస్ట్ ఆసుపత్రిని ఎర్రగడ్డలోనే వుంచాలని, లేకపోతే దీనిపై ఉద్యమం చేపడుతామని ఆయన హెచ్చరించారు.

సోమవారం (02-02-2015) టీటీడీపీ నేతలు ఎర్రగడ్డలోని చెస్ట్ ఆసుపత్రిని సందర్శించారు. ఈ సందర్భంగానే మోత్కుపల్లి మాట్లాడుతూ కేసీఆర్’పై విమనాస్త్రాలను సంధించారు. ఇక జూబ్లీహిల్స్ టీడీపీ ఎమ్మెల్యే మాగంటి గోపీనాథ్ మాట్లాడుతూ.. ఈ చెస్ట్ ఆసుపత్రికి రోజూ 50 వేల మందికిపైగా రోగులు వస్తారని, అటువంటి దాన్ని తరలించడం సమంజసం కాదని అన్నారు.