కేసీఆర్ లాంటి జన్మ నాకొద్దు

Posted: 04/14/2014 08:52 PM IST

తెలంగాణలో ఎన్నికలు దగ్గర పడుతున్న కొద్ది నేతల మద్య మాటల యుద్దం పెరుగుతుంది. అధికారమే లక్ష్యంగా ఒకర్ని ఒకరు దూషించుకుంటున్నారు. టీపీసీసీ అధ్యక్షుడు పొన్నాల లక్ష్యయ్య టీఆర్ ఎస్ పార్టీ అధినేత చంద్రశేఖర్ రావు పై విరుచుకుపడ్డారు. కేసీఆర్ లాంటి జన్మ తనకు వద్దని, కేసీఆర్ వంచకుడు...నియంత అని, అలాంటి వారు ప్రపంచంలో ఎవరూ ఉండొద్దన్నారు. టీఆర్ఎస్ నుంచి దళితులు వెళ్లిపోయారని ఆయన తెలిపారు. పోలవరం కాంట్రాక్టర్లతో మాట్లాడే పెద్దమనిషి అని తీవ్రంగా విమర్శించారు.

తెలంగాణ తెచ్చింది తానే అని చెప్పుకునే కేసీఆర్ తెలంగాణ గురించి ఏనాడు పార్లమెంటులో మాట్లాడలేదని ఆరోపించారు. తెలంగాణ ఉద్యమంలో భాగంగా సకల జనుల సమ్మె జరిగినప్పుడు కేసీఆర్ ఎక్కడ ఉన్నారని ప్రశ్నించారు. తెలంగాణలో కాంగ్రెస్ పార్టీ ఓడిపోతే దానికి పూర్తి బాధ్యత నాదేనని అన్నారు. ఈ రోజు ప్రెస్ ది మీట్ లో మాట్లాడుతూ ఈ వ్యాఖ్యలు చేశారు. ఈ వ్యాఖ్యల పై కేసీఆర్ ఎలా స్పందిస్తాడో చూడాలి.