Vemana Sathakam in Telugu 30124 Vemana Satakalu

Vemana Sathakam, Vemana Satakalu, Telugu Satakalu, Vemana Satakalu in Telugu తనువు దెవరి సొమ్ము తనదని పోషించి Vemana satakam

Get the Vemana Sathakam ఈ శరీరమెవరిది పెంచి పోషించటానికి, ఈ ధనమెంతా ఎవరిదని దాచుకోవటానికి, ప్రాణం ఎవరిదని దాన్ని కాపాడుకోవటానికి? In Telugu Vemana Satakalu

వేమన శతకం-42

Posted: 12/22/2011 03:37 PM IST

తనువు దెవరి సొమ్ము తనదని పోషించి

ద్రవ్య మెవరి సొమ్ము దాచుకొనగ

ప్రాణ మెవరి సొమ్ము పారిపోవక నిల్వ

విశ్వదాభిరామ వినురవేమ

తనువు=శరీరము, ఎవరి సొమ్ము=ఎవరి సొంతం, తనదని పోషించి=తనదనుకుని పెంచుకోవటానికి, ద్రవ్యము=ధనము- డబ్బు, దాచుకొనగ=దాచిపెట్టుకోవటానికి

ఈ శరీరమెవరిది పెంచి పోషించటానికి, ఈ ధనమెంతా ఎవరిదని దాచుకోవటానికి, ప్రాణం ఎవరిదని దాన్ని కాపాడుకోవటానికి?

అత్యున్నతమైన ఙానమున్నదీ పద్యంలో.  నాది అని అనుకున్నప్పుడే దాన్ని రక్షించుకుని, పోషించుకుంటూ, పెంచి పెద్ద చేసుకుంటూ, జాగ్రత్తగా కాపాడుకుంటూ ఉండటమే కాకుండా అవి పోయినప్పుడు, వాటికి నష్టం జరిగినప్పుడు బాధ కలగటం జరుగుతుంది.  సంపదలున్నప్పుడు గర్వం, పోయినప్పుడు విచారం, లేనప్పుడు తపన, ఉన్నప్పుడు పోతుందేమోననే భయం, తనకంటే ఇతరులకు ఎక్కువున్నప్పడు ఈర్ష్యాసూయలు, ఇతరుల సంపదలు తగ్గిపోయినప్పుడు లోలోపలే సంతోషం, ఇవన్నీ నావి అని భావించినప్పుడే వస్తాయి. 

నిజానికి ఎవరివి ఈ సంపదలు కానీ, మీరు అని మీరనుకునే మీ శరీరం కానీ, మీది అనుకునే మీ ప్రాణం కానీ?  ఎందుకు వాటికోసం అంత తపన, ఆశ, వ్యథ, గర్వాతిశయాలు?  ఇది చెప్పినంత మాత్రాన అర్థం కాదు.  ఈ సత్యం మనసులో ఇంకాలి.  అప్పుడు పుట్టేదే వైరాగ్యం.  వైరాగ్యంలోంచే ఙానం వస్తుంది.  వైరాగ్యమంటే 'నాకు వద్దు' అని అనుకోవటం కాదు.  కావాలని అనుకున్నప్పుడు ఆ వస్తువు ప్రభావం ఎలా ఉంటుందో అలాగే. 'వద్దు' అని అనుకోవటం కూడా ఆ వస్తు ప్రభావానికి లొంగటమే అవుతుంది.  'రాగం'- అంటే ప్రత్యేకమైన ఇష్టం లేకపోవటమే వైరాగ్యం!.  అన్నిటినీ సమానంగా చూస్తూ తన ధర్మాన్ని నిర్వర్తించటం ఒక్క విరాగికే సాధ్యం.  ఆ వ్యక్తి దేన్నీ 'నాది' అని అనుకోడు, 'నాది కాదు' అని తృణీకరించడు కూడా.  ఆ లక్షణం సంతరించుకున్నప్పుడు ఆ మనిషి ముక్త పురుషుడౌతాడు.  అన్ని బాధలకూ అతీతుడౌతాడు.  కేవలం వస్తు లాభం వలన వచ్చే ఆనందం కాకుండా ఎల్లప్పుడూ ఆనందంలో ఓలలాడుతుంటాడు.  యోగులు పేర్ల చివర 'ఆనంద' అని పెట్టుకోవటానికి అదే కారణం.  వారిది మామూలు ఆనందం కాదు కాబట్టి దాన్ని 'బ్రహ్మానందం' అంటారు.  వారు వ్యథలనుంచి దూరమవుతారు కాబట్టి వారిని 'ముక్త పురుషు' లంటారు.

-శ్రీజ

If you enjoyed this Post, Sign up for Newsletter

(And get your daily news straight to your inbox)

 
 
Rate This Article
(0 votes)
Tags : latest news  moviesm movie news  city events  events coverage  

Other Articles

  • Vemana satakam

    వేమన శతకము

    Apr 15 | తప్పులెన్నువారు తండోప తండంబు లుర్వి జనులకెల్ల నుండు తప్పు తప్పు లెన్నువారు తమ తప్పు లెరుగరు విశ్వదాభిరామ వినురవేమ! తాత్పర్యము : ప్రపంచంలో ప్రతిఒక్కరు తప్పులు చేస్తారు. చిన్న పిల్లల నుంచి పెద్ద పిల్లలవరకు... Read more

  • Vemana satakam

    వేమన శతకము

    Apr 14 | పట్టు బట్టరాదు, పట్టివిడవరాదు పట్టెనేని బిగియఁ బట్టవలయు పట్టు విడుటకన్న, బరగఁ జచ్చుట మేలు విశ్వదాభిరామ వినురవేమ! తాత్పర్యము : పట్టుదల లేనిదే ఏ కార్యాన్నిగాని, పనినిగాని మొదలుపెట్టకూడదు. అసలు ఆలోచించుకోకూడదు కూడా. ఒకవేళ... Read more

  • Vemana satakam

    వేమన శతకము

    Apr 12 | చంపదగిన యట్టి శత్రువు తనచేత జిక్కెనేని కీడు సేయరాదు పొనగ మేలుచేసి పొమ్మనుటే చాలు విశ్వదాభిరామ వినురవేమ తాత్పర్యము : మనకు ఎల్లప్పుడూ హాని కలిగించే మన శత్రువును చంపే సమయం వచ్చినప్పుడు.. అతనిని... Read more

  • Vemana satakam in telugu

    వేమన శతకము

    Apr 11 | చెప్పులోన ఱాయి చెవిలోని జోరిగ కంటిలోని నలుసు కాలిముల్లు ఇంటిలోని పోరు నింతింత గాదయా విశ్వదాభిరామ వినురవేమ ! భావం : చెప్పులో రాయి రావడం, చెవిలో జోరిగ తిరగడం, కంటిలో నలుసు పడటం,... Read more

  • Vemana satakam

    వేమన శతకము

    Apr 08 | చిప్పలోనబడ్డ చినుకు ముత్యంబయ్యె నీటబడ్డ చినుకు నీట గలిసె బ్రాప్తి గలుగుచోట ఫలమేల తప్పురా విశ్వదాభిరామ వినురవేమ ! తాత్పర్యము : ముత్యపు చిప్పలో పడ్డ వాన చినుకు ముత్యంగా మారిపోతుంది. అదే చినుకు... Read more