Court Rejects Cbi Charge Sheet On Jagan Case

Posted: 07/12/2012 09:46 PM IST

సీబీఐ అధికారులకు మరోసారి కోర్టులో చుక్కెదురైంది. వైఎస్సార్ కాంగ్రెస్ పార్టీ అధ్యక్షుడు జగన్మోహన్‌రెడ్డి అక్రమాస్తుల కేసులో ఇటీవల దాఖలు చేసిన అనుబంధ చార్జిషీట్‌ను గురువారం కోర్టు తిరస్కరించింది. ఈనెల 3న ఈ కేసుకు సంబంధించి మొదటి చార్జిషీటుకు అనుబంధ చార్జి షీటును సీబీఐ కోర్టుకు సమర్పించిన విషయం తెలిసిందే. ఇందులో పలు కంపెనీలను సీబీఐ నిందితులుగా పేర్కొనడం జరిగింది.అయితే చార్జిషీటు పరిశీలించిన కోర్టు కేవలం కంపెనీలనే నిందితులుగా పేర్కొన్నారే తప్ప ప్రతినిధుల పేర్లు చేర్చలేదంటూ చార్జిషీటును తిప్పిపంపింది. ఇందులో పొందుపరిచిన అంశాలు సవివరంగా లేవని, పూర్తి వివరాలతో మరోసారి చార్జిషీటును దాఖలు చేయాలని కోర్టు సీబీఐ అధికారులను అదేశించింది. గతంలో జగన్ అక్రమాస్తుల కేసు, ఎమ్మార్, ఓఎంసీ కేసుల్లోనూ దాఖలు చేసిన చార్జిషీటుల్లో వివరాలు సరిగా లేవని కోర్టు తిరస్కరించిన విషయం తెలిసిందే.