భారత సరిహద్దులు అప్రమత్తం.. పఠాన్ కోట్ ఆర్మీ క్యాంప్ వద్ద గ్రానైడ్ దాడి

Posted: 11/22/2021 11:21 AM IST

దేశ సరిహద్దులోని అన్ని ఆర్మీ బేస్ క్యాంప్ లతో పాటు అన్ని కేంద్రాల వద్ద సైన్యం అప్రమ్త్తమైంది. పంజాబ్‌లోని పఠాన్ కోట్‌లో ఉన్న ఆర్మీక్యాంప్‌ను టార్గెట్ చేసుకున్న అగంతకులు చేతి గ్రానేడ్ విసిరారు. దీంతో అక్కడ భారీ శబ్దంతో విస్పోటనం సంభవించింది. సోమవారం తెల్లవారుజామున ఆర్మీక్యాంప్‌ సమీపంలోని త్రివేణి గేట్‌ వద్ద గ్రనేడ్‌ పేలుడు సంభవించింది. దీంతో అప్రమత్తమైన సైన్యం ఆ ప్రాంతాన్ని తమ ఆదీనంలోకి తీసుకున్నది. ఘటనా స్థలానికి చేరుకున్న పోలీసులు గ్రనేడ్ శఖలాలను స్వాధీనం చేసుకున్నారు. ఆ ప్రాంతంలో గాలింపు చేపట్టారు.

గ్రానేడ్ విసిరినఈ ఘటనకు పాల్పడిందెవరనే అంశాన్ని సీసీటీవీలో పరిశీలిస్తున్నారు. అయితే అగంతకులు బైక్ పై వచ్చి గ్రానేడ్ విసిరారని ప్రాథమికంగా తెలిపిన పోలీసులు.. వారు ఎటువైపు నుంచి వచ్చారు. బైక్ పై ఎంతమంది వున్నారు.? అన్న సమాచారాన్ని కూడా సీసీటీవీ ఫూటేజీల ద్వారా సేకరిస్తున్నామని పోలీసులు తెలిపారు. స్థానికంగా ఓ పెళ్లి భారత్ వెళ్లిన అనంతరం ఈ ఘటన చోటుచేసుకుందని ఆర్మీ క్యాంప్ లోని అధికారులు స్పష్టం చేస్తున్నారు. ఈ ఏడాది జూన్‌లో అత్యంత పటిష్ట భద్రత నడుమ ఉంటే జమ్ము ఎయిర్‌ ఫోర్స్‌ స్టేషన్‌లో పేలుళ్లు సంభవించిన విషయం తెలిసిందే. డ్రోన్‌తో ఎయిర్‌ ఫోర్స్‌ స్టేషన్‌లో దుండగులు దాడిచేశారు. ఇందులో ఇద్దరు సైనికులు గాయపడ్డారు.