https://www.teluguwishesh.com/
Whisky is mixed with water and sold like new మద్యాన్ని కల్తీ చేసే విధంబెట్టిదనినా.. వైరల్ వీడియో.!
పైన దగా, కింద దగా, కుడి ఎడమల దగా దగా, అంటూ శ్రీశ్రీ ఏనాడో చెప్పిన విషయాలు అప్పటి నుంచి సాక్ష్యాత్కరిస్తున్నా.. ఈ మధ్యకాలంలో మొత్తంగా దగాకోరులే రాజ్యాలు ఏలుతున్నాయి. అందుగలదు ఇందు లేదన్న విధముగా ఎందెందు వెతికినా కల్తీయే కలదు అన్న నానుడిని మర్చేసి మరీ కల్తీకి తెరలేపుతున్నారు. కల్తీలను కనిపెట్టాల్సిన అధికార యంత్రాంగం కూడా మామూళ్ల మత్తులో జోగుతుండడంతో తినే అన్నం, తాగే నీరు వరకు అన్ని కల్తీమయంగా మారుతున్నాయి. ఇప్పటికే తెలంగాణ రాష్ట్ర అవిర్భవం సమయానికి.. నేటికి చాలా మేరకు పెరిగిన మధ్యం సీసా ధరలోనూ కల్తీ పేట్రేగిపోతోంది.
ఇందుకు సంబంధించిన ఓ వీడియో ఒకటి నెట్టింట్లో విపరీతంగా చక్కర్లు కొడుతొంది. వారిపై అధికారులు చర్యలు తీసుకున్నా ఇలాంటి పనులే ఎందరో కల్తీరాయుళ్లు పాల్పడి అక్రమంగా సొమ్ము చేసుకుంటున్నారు. ఇక వీరిని ఈ విధమైన చర్యలకు మద్యం దుకాణాల లైసెన్సు పోందిన కాంట్రాక్టర్లు కూడా ప్రోత్సహిస్తున్నారన్న వార్తలు వినిపిస్తున్నాయి, ఇక తాజాగా వాట్సాప్ లో విపరీతంగా చక్కర్లు కోడుతున్న వీడియోతో మద్యం మత్తును వీడిన ఎక్సైజ్ అధికారులు కల్తీరాయుళ్ల కల్తీవిధానం పట్ల విస్మయం వ్యక్తం చేశారు.
మద్యం సీసాను సీల్ తీయకుండా మూతను తీయండ, ఆపై దానిలోంచి మద్యాన్ని వాటర్ బాటిల్ లోకి మార్చడం, ఇక నీటితో మద్యం సీసాను భర్తీ చేయడం.. మళ్లీ యధావిధంగా సీల్ మూతను పకడ్బంధీగా ఫిక్స్ చేయడం అంతా చకచకా జరిగిపోయింది. అదీనూ ఒకటి కాదు రెండు కాదు ఓ లీటరు వాటర్ బాటిల్ పూర్తిగా మద్యంతో నిండే వరకు ఈ తంతు సాగింది. ఈ తంతును వీడియో తీస్తున్న విషయం తెలిసినా.. ఏ మాత్రం కంగారుపడని కల్తీరాయుళ్లు తాము పెద్ద ఘనకార్యం సాధిస్తున్నట్లుగా ఫోజుకొడుతూ కల్తీ మద్యం ఎలా చేస్తోరో చూపడం గమనార్హం.
చార్మినార్ ఎక్సైజ్ అండ్ ప్రొహిబిషన్ విభాగం ఈ వీడియోపై ఓ కేసును రిజిస్టర్ చేసి, విచారణను ప్రారంభించింది. విచారణ జరిపిన అధికారులు, వీరిలో ఒకర్ని ఘట్ కేసర్ కు చెందిన రెడ్డిపోయిన సాయి, మరొకర్ని రంగారెడ్డి జిల్లాకు చెందిన రాంబాబుగా గుర్తించామని తెలిపారు. ఈ ట్రక్ కూడా రెడ్డిదేనని, అతనే డ్రైవర్ గా వచ్చాడని, బాటిల్స్ లో మద్యాన్ని కల్తీ చేస్తుంటే రాంబాబు సహకరించాడని ఉన్నతాధికారులు వెల్లడించారు. వీడియో వైరల్ కావడంతో చర్యలు తీసుకోవడం విషయాన్ని అటుంచితే.. రాష్ట్రానికి మెండుగా అధాయాన్ని ఇస్తున్న మందుబాబులకైనా కనీసం ప్రభుత్వం, ఎక్సైజ్ అధికారులు నాణ్యమైన సరుకును అందించాలి. కల్తీ ఎలా చేస్తున్నారో ఈ వీడియోలో చూడండీ..
(Video Source: Telangana Today)
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
