రూ.20 కోసం 13 ఏళ్ల బాలుడి ముందే తండ్రి దారుణ హత్య

Posted: 09/29/2020 12:52 AM IST

Delhi brothers arrested for death of son of more than 20 rupees

పావలా, అర్థం కోసం మర్డర్ చేసే రోజులు పోయాయని అనుకుంటే పోరబాటే. ఎప్పుడో నలబై, యాభై ఏళ్ల క్రితం ఇలాంటి మాటలు వినివుంటాం కానీ.. ఈ రోజుల్లో వాటికి చెల్లుబాటు లేకపోవడంతో ఎవరు వాటి కోసం ప్రాణాలు తీసే కసాయిలుగా మారడం లేదు. ఇంతవరకు ఒకే కానీ ముఫై ఏళ్ల క్రితం కూకట్ పల్లిలోని ఓ హోటల్ లో ఇద్దరి మధ్య మాటమాట పెరిగి క్షణికావేశంలో కేవలం ఇరవై పైసల కోసం ప్రాణాలు తీసిన ఘటన చాలా మందికి తెలియదు. అయితే అ ఘటనను పక్కన బెడితే తాజా పరిస్థితుల్లో కేవలం రూ. 20 కోసం ఒక వ్యక్తిని దారుణంగా హతమార్చిన ఘటన ఢిల్లీలో చోటుచేసుకుంది.

తర 13 ఏళ్ల కుమారుడి ముందే తండ్రిని ఇద్దరు వ్యక్తులు దారుణంగా ప్లాస్టిక్ పైపుతో కోడుతుంటూ.. అక్కడి జనాలు నిశ్టేష్టులై చూశారే తప్ప.. ఆ చిన్నారికి అర్థనాధాలు విని చలించే హృదయాలే కరువయ్యారు. చివరకు తన తండ్రిని కొట్టవద్దంటూ ఆ చిన్నారి దాడి చేస్తున్న ఇద్దరి వ్యక్తుల కాళ్లపై బడి ప్రాధేయపడినా లాభం లేకపోయింది, పోలీసులు తెలిపిన వివరాల ప్రకారం... ఉత్తర ఢిల్లీలో భార్య, పిల్లలతో కలిసిన 38 ఏళ్ల రూపేశ్ నివసిస్తున్నాడు. క్రైమ్ రేట్ ఎక్కువగా ఉన్న ప్రాంతం అది. షేవింగ్ కోసం దగ్గర్లో ఉన్న సెలూన్ కు రూపేశ్ వెళ్లాడు. షేవింగ్ పూర్తైన తర్వాత రూ. 50 ఇవ్వాలని సెలూన్ ఓనర్ సంతోష్ అడిగాడు.

అయితే సంతోశ్ కు రూపేశ్ రూ. 30 ఇచ్చి, మిగిలిన రూ. 20 తర్వాత ఇస్తానని చెప్పాడు. దీంతో వివాదం ప్రారంభమైంది. సంతోశ్, అతని సోదరుడు సరోజ్ ఇద్దరూ తమ సెలూన్ లో ఉన్న ప్లాస్టిక్ పైపుతో రూపేశ్ ను బాదారు. ఈ దాడిని ఆపేందుకు రూపేశ్ కొడుకు ప్రయత్నించాడు. ఈ దాడికి సంబంధించిన మొబైల్ వీడియో కూడా బయటకు వచ్చింది. చుట్టుపక్కల ఉన్న జనాలు దాడిని చూస్తున్నారేకాని... ఆపేందుకు ఎవరూ ప్రయత్నించకపోవడం గమనార్హం. రూపేశ్ ను హుటాహుటిన ఆసుపత్రికి తరలించినప్పటికీ ప్రయోజనం లేకపోయింది. అప్పటికే అతను మృతి చెందినట్టు డాక్టర్లు నిర్ధారించారు. మరోవైపు, సంతోశ్, సరోజ్ లను పోలీసులు అరెస్ట్ చేశారు.