నటి రియా చక్రవర్తి అరెస్టు.. అదువులోకి తీసుకున్న ఎన్సీబి

Posted: 09/09/2020 12:38 AM IST

బాలీవుడ్ హీరో సుశాంత్ సింగ్ రాజ్ పుత్ అనుమానాస్పద మృతి వ్యవహారంలో డ్రగ్స్ కోణం ఉందన్న అనుమానాలకు నార్కొటిక్స్ కంట్రోల్ బ్యూరో (ఎన్సీబీ) విచారణలో చోటుచేసుకున్న పరిణామాలు బలాన్ని చేకూర్చుతున్నాయి. తాజాగా ఎన్సీబీ అధికారులు సుశాంత్ సింగ్ ప్రేయసిగా గుర్తింపు పోందిన నటి రియా చక్రవర్తిని అదుపులోకి తీసుకున్నారు. గత కొన్ని రోజులుగా విచారిస్తున్న అమెను తాజాగా ఎన్సీబి అధికారులు ఇవాళ అరెస్టు చేశారు, తాను డ్రగ్ అడిక్ట్ కాదని చెబుతూ వచ్చిన అమె.. తాజాగా తాను సుశాంత్ కోసం డ్రగ్స్ కొనుగోలు చేసినట్టు అంగీకరించింది. దీంతో అమెను అదుపులోకి తీసుకున్న ఎన్సీబి అమెను అరెస్టు చేసింది.

ఇప్పటికే డ్రగ్స్ కు సంబంధించి రియా చక్రవర్తి నుంచి కీలక సమాచారం రాబట్టిన ఎన్సీబీ... మరింత సమాచారం తెలుసుకునేందుకు ఆమెను అరెస్ట్ చేసినట్టు తెలుస్తోంది. ఇక డ్రగ్స్ కు సంబంధించి ఎన్సీబి విచారణలో ఇప్పటికే పలువురు బడా హీరోలు, ప్రముఖ నటులు, నటీమణులతో పాటు వాటికి బానిసలైన మరికొందరి పేర్లను కూడా రియా ఎన్సీబికి వెలువరించిందని సమాచారం. ఆ సమాచారం మేరకు ఎన్సీబీ దర్యాప్తులో వేగం పెంచిదని తెలుస్తోందని క్రైమ్ డిటెక్టివ్ లు అంచనా వేస్తున్నారు. సుశాంత్ మరణంలో డ్రగ్స్ వ్యవహారమే కేంద్రబిందువుగా ఉన్నట్టు వీరు అనుమానిస్తున్నారు.

ఇదిలావుండగా సుశాంత్ సింగ్ రాజ్ పుత్ అనుమానాస్పద మృతి కేసులో ఇప్పటికే సీబీఐ, ఈడీ దర్యాప్తు చేస్తున్నాయి. దీనికి తోడు రంగంలోకి దిగిన ఎన్సీబి కూడా రియా చుట్టూ ఉచ్చును బిగిందని వార్తలు వచ్చాయి. విచారణలో భాగంగా ఇవాళ ముంబైలోని ఎన్సీబి కార్యాలయానికి హాజరైన అమెను రెండు దఫాలుగా విచారించిన ఎన్సీబీ అధికారులు మరోసారి విచారించేందుకు సిద్ధమవుతున్నారు. దీంతో అమెను అరెస్టు చేశారన్న వార్తలు వినబడుతున్నాయి. అయితే రియాను ఇవాళ కోర్టు ముందు హాజరుపరిచే అవకాశాలు కనిపించడంలేదు. రియాకు తొలుత వైద్య పరీక్షలు నిర్వహించాలని నార్కొటిక్స్ అధికారులు భావిస్తున్నారు.